حتى لا تفقد سلامك

[walaa farouk]

لما تكون بتعمل شغلك أو خدمتك أو أي من أمور حياتك .
. بأمانة حقيقة .. وتلاقي إللي حواليك مقدروش أمانتك دي ويمكن كمان يستهزأوا بيها أو يقللوا منها وممكن كمان يعاقبوك عليها
(رغم اننا في زمن قلت فيه الأمانة)
؛ أوعى تضايق وتحزن وتتنازل عن ولو جزء من أمانتك
دي لأن إبليس في نفس الوقت
هايحاول يخليك انت كمان تقلل من قيمة أمانتك لغاية ما تبطل تعيش بيها ؛ وهنا لازم تفتكر إن إلهنا الصالح موجود وهو أهم من البشر وبيقدر أمانتك دي كويس أوي وشايف عملك وعارف قلبك وهيكافئك عنه بكل تأكيد بشكل أو بآخر ،
جايز تحزن للي وصل ليه البشر ..
لكن .. أوعى تفقد سلامك وأعرف إن أمانتك تجاه أمور البشر هي للرب وليس البشر
وبكده تقدر تكمل وتعمل وتعيش بالأمانة إللي الله حطها جواك لأنك هاتبطل تدور على تقدير البشر لأنك تعلم أن هناك تقدير أهم وهو تقدير الرب وتطلب حكمه هو فهو فاحص القلوب ، وصلي لأجل كل من وضع إبليس غشاوة على عيونهم وقلوبهم ليُزيل الرب عنهم هذه الغشاوة
"وَأَمَّا أَنَا فَأَقَلُّ شَيْءٍ عِنْدِي أَنْ يُحْكَمَ فِيَّ مِنْكُمْ، أَوْ مِنْ يَوْمِ بَشَرٍ. بَلْ لَسْتُ أَحْكُمُ فِي نَفْسِي أَيْضًا.فَإِنِّي لَسْتُ أَشْعُرُ بِشَيْءٍ فِي ذَاتِي. لكِنَّنِي لَسْتُ بِذلِكَ مُبَرَّرًا. وَلكِنَّ الَّذِي يَحْكُمُ فِيَّ هُوَ الرَّبُّ." (١كو ٤ : ٤،٣)