|
 |
 |
 |
|
رقم المشاركة : ( 1 )
08 - 04 - 2017, 11:07 AM
|
|||||||||||
|
|||||||||||
|
فن الأعتذار !  أميرة خارجــة مــع أمير خطيبهــا فــي مطعــم شــيك وجميــل، الأتنيــن مبســوطين وعايشــين جـو لذيــذ.. فجـأة أمير بيفتــح موضــوع قديــم أميرة مــا كنتــش عــاوزة تتكلــم فيــه.. بــس أمير بيبتــدي يقــول كل اللــي جــواه مــش مهتــم أوي برغبــة أميرة.. أميرة بتبتــدي تتنرفــز وتشــوف إنــه مــش وقتــه الــكلام ده فــي خروجــة زي كــده.. أمير بيصمــم ميقفلــش الموضــوع.. أميرة بتتعصــب أكتــر.. امير بيقــول كلمــة تضايــق أميرة.. أميرة بتقــوم تمشــي! أمير لمــا قعــد مــع نفســه، أدرك إن إيــه الهبــل ده؟؟ مــا كان احتــرم رغبــة أميرة ومكملــش فــي الموضــوع؟ أميرحاســس إنــه غلــط فــي حــق اميرة وواجــب إنــه يعتــذر لهــا. فــي مقالــة علــى موقــع psychologytoday.com ت حــت عنــوان Apology( the of Art )The بيشــرح الدكتور Joseph Burgo فــن الأعتــذار.. وإن الأعتــذار فــي حــد ذاتــه مــش عمليــة ســهلة، فمــش مــن المقبـول علــى الأنـا الأنســاني إنــه يعتــرف إنه غلــط ويقــر ب الموضــوع ده قــدام الأخــر.. ففكــرة إن أي حــد يعتــذر ديــه بتتطلــب شــجاعة وثقــة فــي النفــس ممكــن تكــون مــش متوافــرة فــي كتيــر مننــا.. كتيــر بيكونــوا عارفيــن مــن جواهــم إنهــم غلطــوا وآذوا اللــي حواليهــم، بــس الـــEGO بتاعهــم بيمنعهــم إنهــم يقولــوا “آســف...“ بــس إزاي “آســف“ تتقـال بشــكل بســيط ومؤثــر فــي نفــس الوقــت؟؟ مبدئيــا كــده، الدكتــور Burgo Joseph بينصــح أي حــد عــاوز يعتــذر إنــه ينســى تمامــا كلمــة “لــو” فــي اعتــذاره ده، بمعنــى، إن أمير ميقولــش أميرة “أنـا آســف عشــان ضايقتــك“ أو “أنـا آســف لـو كنتــي زعلتــي..“ بــلاش “لو“ديــه أبدا!!! أمير مــش بيعتــذر عشــان ضايــق أو زعــل أميرة، قــد مــا بيعتــذر عشــان عــارف إنــه غلــط فــي حقهــا، كلمــة “لــو” ديــه بتــدي انطبــاع إن الأعتــذار اتقــال كــرد فعــل علــى ســلوك أميرة.. يعنــي مثــال، لــوأميرة مكنتــش أظهــرت حزنهــا أو ضيقهــا هــل مــا كنــش أمير اعتــذر؟! فأمير لازم يعتــذر عشــان نتيجــة اللــي عملــه.. مــش عشــان رد فعــل أميرة. فــن الأعتــذار؛ إنــت كل هدفـك تبيــن إنـك متضايــق وندمــان علــى اللــي عملتــه، مــش جـاي تناقــش مبرراتـك أو قصــة حياتـك فــن الأعتــذار.. يعنــي أمير وهــو بيعتــذر لأميرة مينفعــش يقــول “أنــا آســف، بــس لــو تفتكــري زمــان حصلــه كــذا وكــذا“ أو “أنــا آســف بــس إنــت برضــه عملتــي كــذا..“ مــش شــرط عشــان خالص قــررت تعتــذر تحــاول تعمــم الغلــط علــى الأخــر كمــان عشــان تريــح نفســك شــوية، حتــى لــو افترضنــا إن كان فــي أحــداث قبــل كــده بينكــو، كنــت إنــت تســتحق فيهـا الأعتــذار وهـو مـا اعتــذرش، ده مــش معنــاه إن انتــو خــلاص خالصيــن، واعتــذارك راح قصــاد اعتــذاره! حــاول توقيــت الأعتــذار مــا يكونــش مربــوط بمنفعــة أو مصلحــة، بمعنــى إن أميرة لمــا مشــيت وســابت أمير، أمير مكلمهــاش أو اعتــذر لفتــرة، بــس رجــع كلمهــا واعتــذر لمــا كان عاوزهــا تــروح معــاه حفلــة عيــد ميــلاد صديقــه، أو عــاوز منهــا أي حاجــة.. فالمفــروض الشــخص لمـا بيعتــذر، اعتــذاره ميكونــش بمقابــل. فــي النهايــة، كلمــة “آســف“ كلمــة مهمــة جــدا، وبتنقــذ علاقــات كتيــر فــي أغلــب الأوقــات.. مــش عيــب إنــك تعتــذر لــوغلطــت أو تســببت فــي ألــم أو حــزن حــد، وعلــى الناحيــة التانية.. بــلاش كلمــة “آســف“ تبقــى عاملــة زي اللبانــة مــن كتــر مــا هــي بتتقـال كتيــر علــى حاجــات بجــد وحاجــات تافهــة.. فتفقــد قيمتهـا ورونقهــا (الأعتــذار المعتــاد apologizing ...)habitual وزي مــا فــي نــاس صعبــة علــى كرامتهــم وشــخصيتهم يقولــوا “آســف..“ فــي نــاس مســتغلة عندهــا إدمــان ومتعــة غيــر طبيبعــة إنهـا تســمع كلمــة “آســف“، لدرجة إنهـا تتصنــع الضيق والحــزن عشــان تبتــز اللــي حواليهـا وتوصــل للأعتــذار اللــي هــي محتاجــاه.. فـزي مـا فــي حوالينـا نــاس بجــد بتســتحق أســفنا، فــي غيرهــم أســفنا بالنســبة لهــم مجــرد حطــب تــزود نــار غرورهــم ونقصهــم. 
|
|
| قد تكون مهتم بالمواضيع التالية ايضاً |
| الموضوع |
| إسرع إلى الأعتذار |
| زوجات أغبياء "مع الأعتذار" |
| إذا أسأتُ أنا الى الناس هبني شجاعة الأعتذار |
| الأعتذار رمز للمحبة... |
| الأعتذار |
العرض الشجري