مفيش حاجه اسمها أم مقصرة

[توتا كمال]

مفيش حاجة اسمها " أُمّ مُقصّرِه "

اسمها أمّ ده آخر طاقتها ..
وأكيد طاقة كل واحده فينا مختلفه عن التانية ..

🔸في أمّ عندها طاقه ترضّع أولادها طبيعي ..
و في أمّ معندهاش طاقه ، فبترضّعهم حليب صناعي ..
" مش معناها إنها مهمله في صحتهم "

🔸في أم سابت الشغل عشان تربي أولادها و تتفرغلهم تماماً..
و في أم رجعت للشغل بعد ٣ شهور من الولاده ، لأنها من غير شغل يمكن نفسيا تتخنق ويحصلها حاجة ..
" مش معناها إنها راميه أولادها "

🔸في أمّ بتولد طبيعي و زي الفل و أمّ بتخاف وبتولد قيصري ..
" مش معناه انها بتستسهل و مش فارقه معاها صحه البيبي "..

🔹أمّ بتأكل الطفل من ٤ شهور و أمّ من ٦ شهور ..
🔹أمّ تخاف تنزل أولادها الميه و أمّ بترميهم رمي فيها ..
🔹أمّ قوية و أمّ بتعيط كل يوم ..
🔹أمّ عارفه تتصرف و أمّ محتارة ..
🔹أمّ بتاخد البيبي معاها كل مكان و أمّ بتتركه مع أمها ..
🔹أمّ ب100 راجل و أمّ ضعيفه ..
🔹أمّ بتربي ٣ و أمّ مش عارفه تمشي حالها بواحد...

🔸صدقيني مفيش حد منهم غلطان ..
🔸مفيش حد ابدااا في الدنيا هيخاف على الطفل اد أمه ..
🔸فأكيد هي أدرى بمصلحته ..
🔸فمتكونيش إنتي والدنيا ضدها..

[Mary Naeem]

رووووووووووعة حببتي
ربنا يفرح قلبك