|
 |
 |
 |
|
|
|
رقم المشاركة : ( 1 )
27 - 08 - 2024, 08:57 PM
|
|||||||||||
|
|||||||||||
 لكل واحد عايز يعيش مع ربنا ومش قادر أو مش عارف أو بيبدأ لكن مش بيقدر يستمرّ: + أول حاجة لازم تعرفها هي إنك إنسان حلو وقلبك جميل واشتياقك مقدس ورغبتك سماوية وهدفك عظيم، وصدقني كل ده بيفرح قلب ربنا بيك خالص . لازم تكون عارف إن اشتياقاتك الروحية متفقة تماما مع اشتياقات قلب الله نفسه! عارف دا معناه أيه؟ معناه يا بختك .. انت عاوز نفس اللي ربنا عاوزه، ودا أكبر ضمان ليك إنه هيتحقق لما تمد ايدك في ايده وتاخد أول خطوة للتنفيذ. + تاني حاجة لازم تدركها، هي إن الطريق الروحي مش مخيف ولا كئيب، أيوة فيه بعض المتاعب اللي بتتمثل في البعد عن الشهوات والخطايا المحبوبة اللي فيها لذة وقتية، لكن المتاعب دي ولا حاجة قدام حياة السلام الداخلي والفرح الروحي ومتعة العشرة مع ربنا وصحبة القديسين. فالطريق الروحي مبهج وممتع بصورة عظيمة علشان كدا الآباء في التسبحة قالوا: "بلذة نباركك بلذة نسبحك .. اسمك حلو ومبارك في أفواه قديسيك" ابصالية السبت. + كدا انت وضعت الأساس المتين لبداية سعيك في الطريق الروحي ، والخطوات الجاية بسيطة كالتالي: 1- قول لربنا: يارب أنا عاوز أعيش معاك ومش عارف .. ممكن تعلمني؟ عاوز أتحد بيك في علاقة قوية مستمرة .. ممكن تسندني؟ عاوز أخدمك .. ممكن ترشدني؟ عاوز ... الخ. يعني اطلب من ربنا كل احتياجاتك الروحية وانت متأكد إنه فرحان جدا بيها وهي بتتفق مع مشيئته الإلهية وهيساعدك بكل تأكيد. 2- خليك ماشي بالراحة وبالقليل، اوعى تكتر على نفسك الصلوات والقرايات والأصوام ... إلخ. جاهد في الأول في الصلاة السهمية، وصلاتك البسيطة اللي هي عبارات قصيرة تقولها على مدار اليوم من قلبك لربنا: ياربي يسوع ارحمني - ياربي يسوع باركني - ياربي يسوع قدس عيني - ياربي يسوع قدس أفكاري - أنا محتاجك يا ربي يسوع - انت وحشتني ياربي يسوع - خلصني من الخطية ياربي يسوع ... إلخ. وبالتدريج وعلى مدار شهور أو حتى سنين ابتدي زود قليل قليل بإرشاد أب اعترافك أو مرشدك الروحي. 3- استعين بالوسائط اللي ربنا باعتهالك، وسائط النعمة، امسك في الكتاب المقدس (قليل قليل) بس باستمرار يعني كل يوم، القداس الأسبوعي والتناول، جلستك مع أب اعترافك (حتى لو جلسة صامته في البداية) لو قدرت تروح خلوة روحية كل فترة تتأمل وتسبح وتحاسب نفسك، يبقى حلو خالص. لو عملت الحاجات البسيطة دي، مبروك؛ انت ابتديت حياة روحية متينة والنعمة الإلهية مش هتتخلى عنك أبدا، والله هيفرح قلبك ويسدد كل احتياجاتك لأنه هو قال: طوبى للجياع والعطاش إلى البر لأنهم يشبعون. 
|
 |
|
العرض المتطور