ربنا بيطبطب عليا

[walaa farouk]

ساعات كتير بحس أن أكتر حاجة حقيقية وأصدق مشاعر و صديق ليّا مش ممكن يفارقني "الوحدة"،

والرفض (rejection) من الناس اللي بحبها اللي مش عارفين يحبوني،

رغم إنّي وصلت لمرحلة عالية من الحياة الإجتماعية (socialization)

، و عندي صحاب، و ناس كتير، بس عمري ما حسيت إنّي لوحدي قد دلوقتي.

ساعات بحس إن ربنا بيطبطب عليا،

و بيقولي متخافيش أنا جنبك انتِ مش لوحدك.

و بتمنى أقعد معاه وجهاً لوجه (face to face) و ياخدني في حضنه،

عشان أتأكد إنّي مش لوحدي، و أحس بالأمان،

و إن في حد حلو أوي، أحلى من أي حد تاني في الدنيا بيحبني و قبلني زي ما انا

، بعيوبي، بمصايبي، بغلطاتي، بكل وحاشتي،

و هيفضل يحبني حب غير مشروط، و مش هيبعد عني،

ولا يتغير معايا، ولا يكسر قلبي، بالعكس،

هيجي يصلّح كل حاجة الناس التانية بوظتها و مشيت،

و يرجّعني جميلة زي ما خلقني شبهه، قبل ما الناس و الدنيا تاخد مني كل حاجة حلوة كانت فيا.

[Mary Naeem]

قبل ما الناس و الدنيا تاخد مني كل حاجة حلوة كانت فيا
ربنا يفرح قلبك

[MenA M.G]

ربنا بيطبطب عليا


موضوع جميل جداً
ربنا يفرح قلبك

[walaa farouk]

ميرسى كتير على مروركم الغالى