طريقة عمل تشيز كيك بالخوخ

[Marina Greiss]

وقت التحضير:
15 دقيقة
وقت الطهي:
30 دقيقة
المقادير:
علبة تشيز كيك

علبة كمبوت خوخ

هنحط علبة التشيز فى الخلاط على معلقتين كمبوت على كيسين فانيلا على معلقتين كريم شانتيه وبيضة و4 معالق كبيرة سكر و5 ملاعق كبيرة لبن بودرة وهاتك يا ضرب لحد ميبقاش ليهم ملامح وممكن تضيفى معلقتين او شريحتين جلاتين 3 معالق كبيرة نكهة تانج خوخ
التحضير:
طبعا نكون مجهزين فى الصينية قاعدة البسكوت المطحون انا بعملة بالفشطة بدل الزبدة وبيكون خفيف وجميل

وممكن احط معاه باكو بسكوت بريو بس انا المرادى عملتها بشريحة كيك شيكولاته وسقيتها بمية الكمبوت قبل ما احط الخلطة

ونحط الخليط على طبقة البسكوت
الطبخ:
وندخلها الفرن ونكون مسخنينه ونسيبها 1/2 ساعة درجة حرارة متوسطة

والصينية فى الفرن نكون بنجهز وش الصينية

هناخد باقى علبة الكبوت على 4 ملاعق نشا وكوباية لبن وبدل منحط سكر انا حطيت 3 ملاعق كبار من تانج نكهة الخوخ ومعلقتين جلاتين بس انا هنا محطتش ونسيبه لما يتقل على النار

ودا شكلها بعد ما طلعت من الفرن

وندخلها التلاجة طول اليوم

[Mary Naeem]

شكرا على المشاركة الجميلة
ربنا يبارك حياتك

[Marina Greiss]

ميرسى يامارى على مرورك