جرس الباب رن وأوّل ما فتحت الباب ودخلوا الضيوف، دخلّت جرّي قطة شيراز صغيرة وجميلة أوي واضح انها كانت تايهه من أصحابها ورغم انها كانت حلوة بس أنا كنت متضايقة وبحاول اخرّجها عشان عندي حساسية من القطط، حاولت أجري وراها في البيت لكن كانت بتستخبى تحت الكراسي ولما تعبت قولت أسيبها شوية واكيد هاتطلع.
وبعد شوية طلعت وقعدت تلعب معانا كلنا وزي ما تكون ماصدّقت تلاقي دفا وحد يحبها ويلعب معاها وقعدّت جمب الدفاية ونامت كأنه بيتها بالظبط.
ولادنا كده كمان بيسيبوا البيت وبيدوروا على الحب والاهتمام، بيدوروا على حد يسمعهم ويحضنهم ويطبطب عليهم، ولادنا محتاجين دفا ورعاية، محتاجين نشبعهم حب ونغرقهم حنان
حبوا ولادكم واحتضنوهم عشان مايدوروش على الحب بره
ولادنا (وكالة) أمانة .. ربنا استأمنا عليها وهايسألك عليها ويقولك: اعطي حساب وكالتك!!!
هتقبوا قد الامانة دي ولا لأ؟
17 - 01 - 2017, 07:36 PM
العرض الشجري