زوادة اليوم: مهمّة القداسة
بيخبرو عن القدّيسة برناديت لـمّا دخلت الدّير سنة 1867 وتقدّمت للنذر، بيسأل الأسقف الإم الريسة: «شو رح بتسلميها رسالة بالدير؟» قالتلو: «أكيد رح حطّها، إخت مساعدة بالمطبخ، هيدا أكتر شي بتعرف تعملو».
بنهاية الإحتفال بيقول الإسقف لبرناديت: «الإم الريسة قرّرِتْ تكوني مساعدة بالمطبخ، لأنّك ما فيكي تعملي شي تاني، بس أنا رح سَلْمِك مُهمِّة الصلا، حتّى تصيري قدّيسة».
الزوّادة بتقلّي وبتقلّك:
«من يوم يلّي مْنِحصَل ع سرّ المعموديّة، الله بيكلّفنا بمهمّة كتير كبيرة، وهيّي إنّو نتّلْمَذ بمدرسة الصلا حتّى نصير قدّيسين».
