المكتئب قوي قوي

[walaa farouk]

مكتئب يعني عاش بمباديء و اخلاق و أمانة وسط ناس ما عرفوش يقدروه أو يفهموه و استحملهم ووقف ضدهم و استحملهم و ما بقاش زيهم ..

مكتئب يعني حساس ، مشاعره عالية لدرجة انه بييجي علي نفسه قوي علشان ما يحرجش حد مهما انجرح، و شال وجعه جوه نفسه و حبس دموعه و قعد مستني حد يفهمه و ما لقيش..

حساس يعني محترم قوي ، قدامه انه يعاتب
، و ما حبش يصغر نفسه، و لا يسمع كلمة تجرحه
، فكتم المه و ضحك و فوت و هو صامت موجوع
و عينيه بتداري كسرة نفسه..

مكتئب يعني اتظلم و حقه اتاكل
، و شاف اللي بيغلط بيعلي و هو بينداس،
و لما قرر يطلب حقه انداس اكتر ،
فسكت و رسم علي وشه ضحكة الوجع
، و قبل و رضي و شال وجعه مع ظلمه و ظلم بيته أو عياله
و اتقهر و هو ساكت ..

مكتئب يعني ضميره صاحي قوي و بيلومه علي الصغيرة قبل الكبيرة، و من كتر ما هو امين مع نفسه بيستحمل وجع لوم الضمير علشان ما يزعلوش ابدا ، حتي لو تعب من نفسه فوق الطاقة ..

المكتئب هو صاحب الحزن الجميل ، و القلب العظيم الكبير ..

علاجه مش بس دوا ، لكن قبل كده حد يفهمه و يحس بيه و باللي جواه ..

و ما حدش يلومه و لا يعاتبه و لا يقلل من محاولاته
، و لا يعلي عليه في النصايح ..

المكتئب أقوي مما تظن لانه شال كتير و كتير قوي ..

المكتئب قوي قوي ..