لو مشكلتك في الناس بيظلموك، أو يكرهوك، أو يتعبوك بأي شكل. فصدقني مشكلتك مش هتنتهي لما الناس دي تبطل تتعبك، لا .. إنما مشكلتك هتنتهي بجد لما تبتدي انت تغفر ليهم من كل قلبك! فالغفران هو أقوي علاج لحالتك.
لما بطرس الرسول سأل ربنا يسوع وقاله: اغفر للناس كام مرة في اليوم يارب؟ ربنا قاله: متعدش يا بطرس! اغفر من غير حساب!
هل ربنا كان عاوز يصعب علينا الموضوع لما قال كدا؟ إطلاقا .. إنما بالعكس؛ ربنا بيسهل علينا، لأننا لما نغفر ومنبقاش من جوانا شايلين ولا متضايقين ولا موجوعين، هتبقى نفسيتنا مرتاحة وقلبنا فرحان وروحنا متجددة!
إنما اللي مبيغفرش؛ بيبقى دايما مشحون كره وخصام وغضب وحسد وحب انتقام؛ وحتى لو مش بيكره ولا نفسه ينتقم، لكنه على الأقل بيتعب ومش بيدوق طعم الراحة ولا الفرح ولا السلام! دا اللي هيحصل: إِنْ لَمْ تَتْرُكُوا مِنْ قُلُوبِكُمْ كُلُّ وَاحِدٍ لأَخِيهِ زَلاَتِهِ (متى 18: 35) فاغفر يا حبيبي علشان ترتاح .. اغفري يا بنتي علشان تفرحي!
18 - 09 - 2024, 06:12 PM
العرض المتطور