|
 |
 |
 |
|
رقم المشاركة : ( 1 )
23 - 05 - 2021, 10:39 PM
|
|||||||||||
|
|||||||||||
 عقّل توقعاتي ناحيتك يارب، فا ابطل اتعشم واستنى حاجات مش هاتحصل ، ولا اخد تعاملاتك ومجهودك معايا كأنه امر بديهي فا ماحسش بيهم.. عقّل روحي وخليها ماشية مع خطتك انت، مش مع خيالات رسموها الناس عنك وعشموني بيها. غير مفهومي ونظرتي عن استجابتك وتدخُلك في حياتي.. هدِّي شغفي الزيادة ناحية المعجزة، واديني وعي وقبول للتغيرات الصغيرة في تفاصيل حياتي وافكاري وشخصيتي.. فهمني أن المعجزة بتحصل جوايا باستمرار وبهدوء مش خبطة واحدة تعمل دوشة وتختفي وارجع بعدها زي ما أنا.. فهمني أن معجزتك في حياتي هي "أنا" مش حاجة تاني. خليني اتوقع الجاي من ايدك مش من احتياجي وصوته العالي جوايا. خليني اشوفك في الاسوأ مش بس لما الدنيا ترتاح والوضع يتحسن، كبرني في علاقتي بيك وكفاية طفولة وسذاجة لحد كده. وريني العمق اللي دايماً بتكلم عنه وملمستوش لسه، أنا واثق انه مختلف ومُبهر ومُشبع. . انا واثق ان العمق معاك مابيخلصش "نهر سباحة لا يُعبر".. أنت بس اديني الفرصة اغرق فيه وانا مش راجع للشط والسطحية تاني زي زمان. عقّلني في سكة معرفتك يارب، والحقني من تصوراتي ونقصي وخبراتي القديمة متخليهاش ترسم صورتك جوايا.. أنت بس اللي ترسم صورتك جوايا.. 
|
 |
|
| قد تكون مهتم بالمواضيع التالية ايضاً |
| الموضوع |
| وتبقى معرفتك معرفتك أجمل هدايا القدر |
| انر علي يارب بنور معرفتك |
| معرفتك لمميزاتك جزء ضروري من معرفتك لنفسك |
| نشكرك يارب لانك خلقتنا ووهبتنا علم معرفتك |
| يارب كم تحتاج حياتي الى الفضيلة وإلى معرفتك |
العرض العادي
