ولكن عندي عليك انك تركت محبتك الاولي ( رؤ 4:2 )
افتكر محبتك الاولي وعلاقتك الحلوة بربنا
صلواتك البسيطة واللي كنت بتحس فيها انك بتكلم ربنا فعلا ومتاكد انه سامعك
لما كنت بتخاف تعمل حاجة غلط علشان خايف تزعل ربنا والملاك الحارس بتاعك
لما كنت بتدخل الكنيسة بشويش بشويش علشان ده مكان مقدس ماينفعش اكلم حد تاني فيه غير ربنا
لما كان عندك مبادئ روحية مش بتتنازل عنها
لما كنت بتروح خلوة وتشم هواء الصحراء والجبال وتتكلم مع ربنا براحتك حيث الهدوء والسكينة والجو المقدس
لما كنت تصوم علي اد ماتقدر وتحس بمتعة لما تفطر مع الاسرة في العيد
لما كنت بتحب اصدقائك من قلبك مش لاي مصلحة
انا حاسس ان فيه ناس كتير دلوقتي من كتر مابتعمل الغلط مابقاش فارق معاها ولا حاسه باي تانيب ضمير وبقيت تستحل كل حاجة وفي اي مكان
.راجع نفسك كنت فين وبقيت فين
ايه اللي غيرك كده
اذكر من اين سقطت وتب واعمل الاعمال الاولي
وقول ياريت ارجع زي زمان ولد صغير فرحان
