|
 |
 |
 |
|
رقم المشاركة : ( 1 )
08 - 02 - 2017, 04:32 PM
|
|||||||||||
|
|||||||||||
|
إنت مش إنت و إنت قلقان.. تظبيط حياة واحد تاني حيكون مكانك قريب! و احنا بناخد قرارات حتأثر عالمستقبل البعيد بنقعد نحلل و نفكر و نحسب كل حاجة كتير على حسب اللي موجود قدامنا و الظروف اللي شايفنها و احاسيسنا (في الوقت اللي بناخد فيه القرار).. و بعد كل ده كتير بنندم و بنحس بعد سنين بمود "ازاي عملت كده" وإن "لو الزمن رجع بيا دلوقتي" اكيد حاخد قرار تاني!! .. طب ليه ده بيحصل ؟! السبب ان احنا بناخد قرارات خاصة بالمستقبل على انها مناسبة لينا النهاردة.. فينا حاجة بتخلينا نتصور ان احاسيسنا حتفضل هي هي و افكارنا حتفضل هي هي! مع ان ده بعيد تماماً عن الواقع و الحقيقة .. الاحاسيس بتتغير و الافكار بتتغير و الاولويات و أهمية الحاجات ووجهة النظر و الاحتياجات.. كل ده بيتغير مع مرور الزمن و توالي مراحل العمر ... لحد ما نلاقي نفسنا ناس تانيين ! تخيل معايا كده مثلاً لو جبت طفل عنده ٧ سنين و اديته فرصة يستثمر مليون جنيه او يختار شغله او بيته او شكل مستقبله .. ايه القرارات اللي حياخدها ؟ و بعدها بعشرين سنة حيبقى حاسس بإيه ناحية القرارات و المشاريع دي ؟ .. ده بالظبط الإحساس اللي ممكن يحصل مع كل مرحلة جديدة في كل مراحل عمرنا  طب الحل ايه عشان نحاول نوصل لقرارات افضل و مناسبة اكتر لحياة الشخص اللي حنكونه كمان عشر سنين؟ الحل هو "التخيل".. ايوه انت سمعت صح "التخيل"الحل اننا بعد ما نستمتع بالprocess المعروفة لاتخاذ القرارات من تحليل و حسابات و قلق و استشارات و قراءات و دراسات و هلك .. نزود خطوة كمان .. نغمض عنينا نص ساعة قبل اتخاذ القرار و نتخيل نفسنا بعد ١٠ سنين .. نشوف شكلنا ايه.. نتصور احاسيسنا و افكارنا و اولاوياتنا وقتها.. نتخيل ايه حيكون مهم في الحياة ساعتها (مش دلوقتي).. و بعدين نركب قرارنا على الصورة دي و نشوفه لايق ولا لأ.. على فكرة مش مهم بعدها نعمل إيه .. (لأن قدر ربنا فوق كل الحيل و لأن حتى القرار الغلط ليه فوايد كتير و بنتعلم منه و بيقوينا و بيحسن تفاعلنا مع الحياة .. ف قشطة) .. المهم في التجربة دي اننا نحاول نعرف اكتر عن طبيعة الدماغ و سُنِة الحياة فنبقى واعيين للي احنا بنعمله اكتر .. ده غير كمان ان موضوع التخيل ده لذيذ و يستحق التجربه اختصار الموضوع: التحليل و الحسابات بتنفع الشخص اللي بيعمل القرار دلوقتي.. أما التصور و الخيال فبيقربك اكتر من الشخص اللي حيلبس النتيجة و يحاسب على مشاريب قراراتك في المستقبل.. cpd 
|
|
08 - 02 - 2017, 05:18 PM
|
رقم المشاركة : ( 2 ) | ||||
|
† Admin Woman †
|
رد: إنت مش إنت و إنت قلقان..
ربنا يبارك حياتك |
||||
|
|
|
08 - 02 - 2017, 05:25 PM
|
رقم المشاركة : ( 3 ) | ||||
|
..::| الإدارة العامة |::..
|
رد: إنت مش إنت و إنت قلقان..
ميرسى على مشاركتك الجميلة رينا
|
||||
|
|
|
09 - 02 - 2017, 11:22 AM
|
رقم المشاركة : ( 4 ) | ||||
|
..::| الاشراف العام |::..
|
رد: إنت مش إنت و إنت قلقان..
ميرسى لمروركم الغالى
|
||||
|
|
|
10 - 02 - 2017, 11:59 AM
|
رقم المشاركة : ( 6 ) | ||||
|
..::| الاشراف العام |::..
|
رد: إنت مش إنت و إنت قلقان..
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| مش قلقان لأنه.. |
| قلقان / لا اتركك |
| قلقان ليه؟؟ |
| مالك قلقان |
| انا قلقان |
العرض العادي
