بتخيل لو مرقس الرسول بعد ما بولس رفضه.كتب وقال قدام كل الناس (ادي بولس اللي كنت فاكره اب وحنين ورسول وكارز.اديه رفضني وطردني وقال اني مانفعش. نسي نفسه شاول.هما كل الرسل كده طالعين فيها انا مش داخل كنيسه تاني) وبدا مرقس،يهاجم الكنيسه والرسل لمجرد ان بولس رفضه. وماقلش بولس اعثرني في الكنيسه وكل الرسل كده لكن لان لقي حد،يقوله كمل زي برنابا.. لكن في الحقيقه مرقس بعد ماحس بالرفض قال فنفسه انت ياربي يسوع بردو اترفضت وحاسس بمشاعر الرفض ساعدني يارب.وفضل ماسك في ربنا لحد مابولس قال انا محتاج مرقس هو اللي هاينفعني..
مين فينا كده انهارده يوم ماتحس انك اترفضت في خدمه او مكان.
مرقس اعتبر ان رفض بولس ليه قوه لخدمة اكبر.
انهارده لو اي حد فينا اتجرح في الخدمه في الكنيسه حتي لو اطرد يطلع يجرح في الكنيسه.
فينا مرقس اللي يترفض ويفضل ماسك في ربنا فيرجع بقوه وكرامة اعظم.
ولكن مين فينا بردو برنابا اللي ياخد المرفوض والمطرود ويعلمه ويقويه ويثبته..
احنا محتاجين نكون زي ما مارمرقس لو اترفضنا نفضل ماسكين في ربنا والكنيسه ومحتاح يبقي في برنابا اللي يثبت ويضم كل واحد مجروح من احساسه بالرفض من القاده اللي زي بولس ويحببه في الكنيسه. والقائد اللي رفضك انهارده بسبب امانتك وتمسكك بكنيستك هايحتاجك بكره
منقول عن ابونا جوناثان رفعت
