اختاره صح!
لما بتشوف حاجة مبنية غلط في حياتك، ما تلزقهاش عشان تكمل!!كسرها خالص وهدها، وابدأ ابني على نظافة من جديد ...
حط أساس سليم وقوي تختاره بنفسك و اهتم بكل تفصيلة تحطها فوق الأساس ده ...
متكملش عشان صعبان عليك الوقت اللي عدى أو الطاقة اللي اتبذلت
اصحاب غلط!
دراسة غلط! ...
شغل غلط!
أنت عرفت الصح من الغلط بالنسبالك ... و عرفت إنك غلط ... لو كملت ... تبقى بتضيع حياتك بايدك!!!
هنغلط وهنتعلم، بس مش هنسيب حاجة مش فى مكانها!!
أنت مهم قوي و غالي قوي ... متضيعش نفسك بقرار ملوش معنى.... مش مهم الوقت اللي فات ... الأهم اللي جاي!
مش مهم الطاقة اللي اتبذلت ... أنت اتعلمت!
مش مهم العشرة اللي اتبنت ... أنت مش رخيص!
غير كل غلط في حياتك بقرار ... هيبقى صعب في الأول ... بس بعد سنين ... هتبتسم و أنت بتتنفس من جواك مرتاح و مختار تكون نفسك... بكره اللي جاي بتاعك ... اختاره صح!
