|
 |
 |
 |
|
رقم المشاركة : ( 1 )
28 - 05 - 2022, 06:36 AM
|
|||||||||||
|
|||||||||||
|
زيارة القدس | فى الفلكلور القبطى  تعتبر زيارة القدس عند الاقباط أهم الأمنيات والأحلام.. وزمان فى الصعيد لما كان حد ينوى يزور ويقدس كان القرايب والجيران واصحابة يزوروة ليلة السفر ويهنوة وكانو يغنوا لزوجة المقدس المسافرة معاة ويقولولها.. على فين يا مقدسة بتوبك القطيفة رايحة ازور المسيح واعول الضعيفة على فين يا مقدسة بتوبك السماوى رايحة ازور المسيح وارجع ديارى وكان فى اليوم التانى يودعوهم وجببولهم شاى وسكر وعيش واكل لزوم السفر ويطلب المقدس من امة تدعيلة يوصل بالسلامة وكانت تقولة.. ادعيلى يا أماى يا راكبة العلالى أدعتلك يابنى يا عزيز يا غالى ادعيلى يا أماى وأجيبلك ملاية أدعتلك يا ولدى يا كبدى وضنايا ولما كان المقدس يسافر وهو فى الطريق مع المسافرين يغنوا ويقولوا .. نادينى بصوتك يا مسيح نادينى خاطرى أزورك وأفرد يمينى خاطرى أزورك يا دير النصارى أفرد دراعى اليمين وأدق الإشارة خاطرى أن أزورك يا دير ابن مريم أفرد دراعى اليمين وأدق المشنير خاطرى أن أزورك يا دير القيامة أفرد دراعى اليمين وأدق العلامة خاطرى أن أزورك يا دير المسيح أفرد دراعى اليمين وأدق التاريخ ربنا يوعدكم ويوعدنا المصدر : كتاب الثقافة الشعبية القبطية الكاتب اشرف ايوب معوض 
|
|
العرض الشجري