مريم المجدليه يوم الحد الصبح .. راحت للقبر تطيب جسد المسيح .. ف عز احزانها ووجعها .. بصت ع القبر ملقيتش جسد السيد .. ولقيت ملاكين .. واحد منهم قالها : يا امرأه لماذا تبكين ؟! .. ردت عليه وهي لسه موجوعه وقالتله : انهم أخذوا سيدي ولا اعلم اين وضعوه .. ولما فضلت ف نفس حالها وحزنها جالها المسيح بنفسه وسألها نفس السؤال : يا امرأه .. لماذا تبكين ؟! ..
الموقف ده بيشرح طريقة ربنا ف التعامل مع كل نفس حزينه .. لما همومك تزيد وتكتر ربنا هيبعتلك اللي يطبطب عليكي ويقولك معلش .. متعيطيش .. ولو فضلت همومك زي ما هي وحزنك موجود .. هيجيلك بنفسه لحد عندك ويطيب قلبك بصوته الحلو الحنين .. ويسند روحك المكسوره .. متخافيش .. ومتشيليش هم .. يسوع القائم من الاموات مش هيسيبك مجروحه
هيحل مشكلتك ويغير شكل حياتك .. هو واخد باله من كل تفاصيلك .. وعادد دموع عينيكي اللي بتنزل بالليل علي مخدتك ومحدش بيشوفها .. كلام الناس يمكن ميكونش ليه فايده .. بس كلام ربنا هيطمنك
انتي مهمه وغاليه ف عينيه ..
انتي بنته ..
انتي رقم واحد عنده <3
