اكتشف هدفك الحقيقى

[walaa farouk]

بتعمل إيه عندك؟!🤔
(اكتشف هدفك الحقيقي)

ع الكتاب 2 تيموثاوس 7:4

"قَدْ جَاهَدْتُ الْجِهَادَ الْحَسَنَ، أَكْمَلْتُ السَّعْيَ (السِباق)، حَفِظْتُ الإِيمَانَ."



محتاج تعرف إيه هدفك في الحياة. للأسف، كتير مش عارفين هم مدعوين يعملوا إيه. يمكن تفكر، "هو كل واحد في العالم مدعو إنه يعمل حاجة؟" بالمنطق كده، أيوة! كل واحد مدعو إنه يحقق هدف في الحياة دي، لكن مش كل واحد مدعو إنه يحقق هدف مخصوص لربنا أو لمملكته.

الجُملة "أَكْمَلْتُ السَّعْيَ (السِباق)" اللي استخدمها الرسول بولس في الآية اللي فوق بتدينا انطباع إنه كان عارف هو مدعو إنه يعمل إيه؛ هو عرف هدفه الإلهي. واكتشف هدف ربنا من وجوده وعاش حسب الهدف ده تماماً. وفي قُرب نهاية حياته، كان جريء كفايه إنه يقول، "قَدْ جَاهَدْتُ الْجِهَادَ الْحَسَنَ..."

لأننا مسيحيين، عندنا الدعوة العُليا لأن ربنا استأمنا على مهمته رقم 1، وهو ربح النفوس. أنت مش موجود في العالم ده بس عشان تملى فراغ أو تعمل توازن في نظام البيئة؛ أنت مدعو إنك تحقق أعظم وأشرف مسئولية موجودة! أنت مُختار إنك تكون خادم أمين للمُصالحة؛ قد إيه دي دعوة عظيمة. يسوع قال في لوقا 13:19، "... تَاجِرُوا حَتَّى آتِيَ."؛ وده معناه اكرز بالإنجيل. اعمل كل حاجة المفروض تعملها عشان تخلي الإنجيل يوصل لكل واحد في عالمك، لأن الرب هيجي تاني بسرعة. خلي حُبه يشجعك إنك تكرز بالإنجيل بكل ما عندك. خليه لهفتك.



ادخل للعمق

1 كورنثوس 16:9 "لأَنَّهُ إِنْ كُنْتُ أُبَشِّرُ فَلَيْسَ لِي فَخْرٌ، إِذِ الضَّرُورَةُ مَوْضُوعَةٌ عَلَيَّ، فَوَيْلٌ لِي إِنْ كُنْتُ لاَ أُبَشِّرُ."

2 تسالونيكي 11:1 "الأَمْرُ الَّذِي لأَجْلِهِ نُصَلِّي أَيْضًا كُلَّ حِينٍ مِنْ جِهَتِكُمْ: أَنْ يُؤَهِّلَكُمْ إِلهُنَا لِلدَّعْوَةِ، وَيُكَمِّلَ كُلَّ مَسَرَّةِ الصَّلاَحِ وَعَمَلَ الإِيمَانِ بِقُوَّةٍ."

صلِّ

بابا حبيبي، أشكرك إنك بتساعدني أحقق مصيري ودعوتي في المسيح. أنا بجري في سباقي بسرعة بتشجيع من روحك وإرشاد كلمتك، بتقدم ناحية الهدف عشان أحصل على جائزة دعوة الإله العُليا في المسيح يسوع. آمين.


اقضِ وقت صلِّ فيه عشان الناس اللي أنت عارف إنهم لسه مقبلوش المسيح، واعمل خطة مُحددة إنك تكلمهم عن الرب.