|
 |
 |
 |
|
|
|
رقم المشاركة : ( 1 )
05 - 03 - 2021, 01:45 PM
|
|||||||||||
|
|||||||||||
|
قصة أستير  الشخصيات: الراوي - أستير – مردخاي – الرسول الملكي – الملك أحشويروش الراوي: إيه هو تعربفك للشجاعة؟ لو أنت فاكر إن الشجاعة يعني إنك تكون شجاع وتتبع ربنا حتى لو إنت خايف جداً. يبقى إنت لازم تقابل أستير. الرسول الملكي: الملك أحشويروش عايز ملكة جديدة. يالا دوّروا على كل البنات الجميلة إللي في المملكة وهاتوهم في قصر شوشن والبنت إللي هاتعجب الملك هاتكون هي الملكة. (صوت الأبواق الملكية) أستير: يامردخاي، سمعت الأخبار؟ الملك أختارني عشان أكون الملكة. أختارني! مردخاي:أيوه يا بنت عمي، أنا عارف إنه اختارك. لكن ماتنسيش إننا يهود من سبط بنيامين، وفي ناس كتير في البلد دي بيكرهوا اليهود عشان كده أنا باحذّرك متقوليش لأي حد إنك يهودية أستير: أنا مش هاقول لأي حد حتى الملك نفسه الراوي: وبعد فترة، هامان إللي كان عدو اليهود أقنع الملك إنه يصدر قانون جديد ضد اليهود الرسول الملكي: أنا عندي رسالة من هامان مستشار الملك، والرسالة مكتوبة باسم الملك ومختومة بختمه الملكي. في اليوم المحدد الملك أحشويروش هيأمر بقتل وهلاك كل اليهود بما فيهم الشباب والناس الكبيرة والستات والأطفال. وهاتتاخد كل ممتلاكتهم الراوي: وخاف مردخاي على حياته وعلى حياة كل اليهود. وراح للملكة أستير عشان يشوف هي هاتعمل إيه مردخاي: أستير، سمعتي بأمر الملك، طلب من رجالته إنهم يقتلوا كل اليهود. إنتي لازم تروحي للملك عشان يعفو عن شعبنا أستير: لكن يا مردخاي فيه قانون ومفيش حد يقدر يقرب من الملك من غير ما الملك يطلب منه ولو أنا دخلت له أنا ممكن أموت مردخاي: إنت عايشة في قصر الملك لكن إنتي لسه يهودية. تفتكري هايحصل إيه لو ماقولتيش حاجة؟ إنتي وعيلتك هاتموتوا. ويمكن يكون إنتي بقيتي ملكة عشان وقت زي كده أستير: خلاص، اجمع كل اليهود وخليهم يصوموا عشاني. محدش ياكل ولا يشرب لمدة 3 أيام. بعد كده أنا هاروح للملك، حتى لو ده كان ضد القانون ولو أنا لازم اموت، هاموت. الراوي: وبعد3 أيام راحت أستير للملك الملك أحشويروش: الملكة أستير! أنا مبسوط إني أشوفك. فيه حاجة؟ إنتي محتاجة أي حاجة؟ أستير: يا جلالة الملك أحشويروش، أنا طالبه عطفك علي، ونفسي إن جلالتك تعرف إن الحاجة إللي باطلبها منك هي الحاجة الصح، ونفسي كمان إنك تكون مبسوط مني. ولو الحاجة دي بسطتك اكتب قانون جديد عشان اليهود مايموتوش. من فضلك انقذ شعبي.. وهو ده طلبي الملك أحشويروش: أنا هاعمل إللي إنتي عايزاه يا أستير. أنا هاكتب أمر تاني باسمي وهايكون لمصلحة اليهود وهاختم الأمر بالختم بتاعي الراوي: وبعت الملك الرسول الملكي عشان يعلن القانون الجديد الرسول الملكي: في اليوم المحدد إللي كان فيه اليهود لازم يموتوا، اليهود لازم يتجمعوا كلهم ويحاربوا لحياتهم. ولو اليهود اتهجم عليهم ممكن يهلكوا ويموتوا الأعداء ويخدوا كل ممتلكاتهم (صوت المعركة) الراوي: وانتصر اليهود على أعدائهم ومردخاي أعلن... مردخاي: خلي كل اليهود يحتفلوا باليوم إللي إرتاحوا فيه من أعدائهم. هو ده الشهر إللي اتحول فيه الحزن لفرح. إحنا هانحتفل بالأكل والهدايا مع بعض ومع الفقراء الراوي: لو إنت عايز تقرا أكتر عن الملكة أستير، وابن عمها مردخاي وحياة اليهود في الأرض الغريبة. أقرا سفر أستير في العهد القديم في الكتاب المقدس 
|
 |
|
| قد تكون مهتم بالمواضيع التالية ايضاً |
| الموضوع |
| صفات الخادم الصالح لمدارس الأحد |
| كيف أقود فترة ترانيم لمدارس الأحد |
| مسرحية: أستير |
| بعض الأفكار لمدارس الأحد |
| مسابقة لمدارس الأحد فى سفر أعمال الرسل |
العرض المتطور