شوية طرق مختلفة ينفع نقرأ بيها الكتاب المقدس

[walaa farouk]

عايز أحكّي معاك في شوية طرق مختلفة ينفع نقرأ بيها الكتاب المقدس:
1.طريقة اللهج:
الطريقة دي بتخليك تتعمق في الكلمة بطريقة قوية اوي،
طب إيه هو اللهج؟ اللهج هو إنك تقرأ المقطع أكتر من مرة و ببطء شديد
، هتلاقي نفسك أكنّك بتتعرف على الجزء الكتابي ده لأول مرة و هتكتشف فيه حاجات جديدة ليك
2.طريقة السفر الكامل:
وده معناه إنك تقرر تقرأ سفر كامل في قاعدة واحدة كده،
يعني تقرر تقرأ مثلاً إنجيل متى كله مرة واحدة، هتلاقي إن فيه حاجات إتربطت ببعض
وإنت مأخدتش بالك منها قبل كده لما كنت بتقراه بطريقة متقطعة.
3.فيه كمان القراءة المصلية:
بمعنى إنك تصلي بالجزء اللي إنت قريته لحياتك، تعمل ربط بين اللي إنت قريته و تصلي بيه
، مثلاً قريت عن قصة داوُد و إزاي ربنا غفرله خطيته، تربط ده بحياتك
و لو عندك خطية شاكك إن الله ممكن يغفرهالك و تقوله إغفرلي زي ما غفرت لداوُد.
إيه الطريقة اللي مكنتش تعرفها..
و قررت تستخدم أنهي طريقة منهم الوقت اللي جاي؟