هل انت مستعد للقاء الهك؟

[شيرى2]

هل انت مستعد للقاء الهك؟
توبوا وارجعوا لتمحى خطاياكم ولكى تاتى اوقات (
الفرج من وجة الرب ) اعمال3 : 1
من محبة ربنا للخطاة انة يستمر فى البحث عن
الخاطىء وينتظر عودتة ورجوعة الية ويفتح زراعية لية بكل حب لكى يحتضنة ويقبلة ويقولة انا من زمان مستنيك ترجعلى يا ابنى
"ورب المجدوعد"من ياتى اليا لن اخرجة خارجا
يوحنا 37:6
مثل الابن الضال تاب ورجع لابوة بعد ما الدنيا والخطية خسرتة كل شىء ولقى احضانة وزراعية مفتوحة لية
.........ارجوك عزيزى القارىء
مهما كانت خطيتك مهما كنت فى عمق الخطية ربنا بيقولك ارجع انا مسامحك ارجع انا اتعذبت عشانك عشان افديك عشان تكون لك حياة ابدية معايا مش
جحيم وهلاك مع ابليس
ان( لم تتوبوا فجميعا تهلكون) لوقا 13 : 3
اوعى تاجل توبتك لانك متعرفش امتى هتموت هل دلوقت ؟ام بعد ساعة؟ام بعد سنة؟
ابنى وابنتى الغاليين وقت الموت بيكون فجاة فهل انت مستعد للقاء الهك؟ ولماذا لم تكن مستعد؟ ماذا تنتظر؟ والى متى تنتظر؟
عزيزى....... ما اجمل ان ترجع الان وتوب عن كل خطاياك اللى مبعداك عن ربنا واوعى تسمع لكلام العدو ابليس اللى بيهمهم فى تفكيرك ويقولك ان حياة التوبة صعبة او انك مش هتقدر تواصل وتكمل فى توبتك او ان ربنا مش هيقبلك او ذى ناس كتير بتقول لما نموت يبقى يحلها الحلال او كلنا هنروح النار
لا يا عزيزى كل هذة افكار خاطئة من العدو بيحاول يقنعك بيها عشان مش عايز نفسك وحياتك تخلص وتتمتع بالابدية السعيدة لانة عايزك معاة فى جهنم الهلاك ربنا بيقولك ارجع لى وانا اطهرك واغسلك من كل عيوبك واخطائك"ان كانت
خطاياكم كا الكرمزتبيض كالثلج"اشعياء1 : 18
اوعى يخدعك ابليس ويقولك: 1 -انت مش خاطىء وانك احسن من ناس كتير2-انك لو
معملتش الخطية مش هتعرف تعيش اوتاكل عيش3-او ان كل الناس ذيك وكل الناس ماشية فى طريق الخطية ارجوك متسمعش لكلامة لانة لا يريد سواء الهلاك الابدى لك
ياتى ابليس لبعض الناس ويقول لهم فى افكارهم انت لاسارق ولا قاتل ولا زانى اذن انت بار اى نقى طاهر لكن عزيزى توجد خطايا كثيرة ابليس مغمى اعينناعنها لكى لا نراها فى انفسنا مثل(الجشع-الحقد -الخبث-الغيرة- شهوة العظمة-الطمع-الانانية-الحسد-المكر-النميمة-الوقاحة-السكر-شهوة النجاسة-الادانة-محبة المال-الافتراء على الغير -الظلم-الشماتة-اختراع الشر على الغير-التباهى ةالافتخار-الخيانة وعدم الامانة-واولا واخيرا عدم طاعة اللة والوالدين)
كل هذة اخطاء جسيمة تستوجب فيها الموت "رومية1 : 29"
هل انت عزيزى بار ولاتملك اى صفة من صفات كل هذة الخطايا؟افحص نفسك وذاتك تجد انك ملىء بخطايا كثيرة وابليس واضع على عينيك قشور لكى لاترى عيوبك يقول الكتاب"الجميع اخطئوا واعوزهم مجد اللة" رومية3 : 23
ارجوك ارجع وتوب عن كل خطاياك وارجع لالهك اللى بيحبك وفداك بدمة اعترف بخطيتك فهو امين وعادل حتى يغفر لك خطيتك ويطهرك من كل
"اثم"يوحنا الاولى 1 : 9
صدقنى مش هيفيدك الجرى ورا المال اللى بتبذل قصار جهدك عشان تجمعة مش هيفيدك هيعطيك متعة ولذة وقتية على الارض وتزول منك بسرعة (لانةالكل باطل وقبض ريح)
وافتكر مثل الغنى الغبى اللى كان طول الليل بيفكر ازاى يامن مستقبلة ويذيد فى غناة وفى دخلة المادى وللاسف مات وهو بيفكر...نفعة باية المال؟هل امن لة مستقبلة؟
الشبع الحقيقى والغنى والامان كلة عند الهك وحبيبك يسوع لانة هو اللى ضامنلك مستقبلك
ارجوك خلى توبتك لربنا دة(قرار)بانك مترجعش تانى للخطية خلى عندك قوة ارادة وتحكم فى نفسك ضع دايما قدام عنيك انك ممكن تموت فجاة فماذا يكون عذرك امام عرش النعمة"انت بلا عذر ايها الانسان"رومية 1 : 20
ميبقاش ان كل اللى يربطك بربنا انك تروح الكنيسة كل اسبوع وتحضر اجتماعات لكن من جواك فاضى ومش شبعان ولا مليان بربنا لان الكلمة تقول"هذا الشعب يعبدنى بشفتيه انما قلبة فا مبتعد عنى)متى 15 : 8
لكن لما تكون مليان وشبعان بربنا هيبقى خوف ربنا مالى قلبك وعنيك وبكدة سهل جدا لما الخطية تجيلك تقولها لا
ارجع لحضن الاب وتوب هتلاقى نفسك ارتحت وحمل وثقل الخطية انشال من حياتك واتحررت من القلق وعقدة الذنب والحزن والكابة اتحررت من عار ودمار الخطية
صدقنى ربنا بيحبك وطالبك باسمك يااللى بتقرا الرسالة دلوقتى وبيقولك(يا ابنى انا بحبك ارجع ياغالى قبل ما الوقت يضيع وعمرك يجرى ومتحسش بنفسك الا وانت فى هاوية جهنم ارجع قبل ما يفوت الاوان انا ماددلك ايدى وبقولك ارجع يا غالى)كل اللى فى الجحيم بيتمنوا دقيقة واحدة من اللى انت فيها دلوقت عشان يقدموا توبة لكن انت لسة الفرصة قدامك ويمكن تكون اخر فرصة ويرجع ربنا ويقولك انا كلمتك بكذا طريقة(بوعظة-بكتاب روحى-بترنيمة)لكن انت سديت اذنك واهملت رسالتى اللى ارسلتها لك....لكن ربنا لسة واقف بيقرع على باب قلبك(افتحلة ارجوك....وعيش وياة)
"اليوم ان سمعتم صوتة فلا تقســــــــــــــوا قلوبكم"مز95 :7\8
ارجوك عزيزى استمع لكلمات ونداء الرب وارجع
اتصالح معاة عشان تنال رضاة وتتمتع بكل عطاياة وتلاقى راحة لنفسك واعماقك وياة
قرب من محضر ربنا وادخل واركع واتكلم معاةعن كل امر فى حياتك بتمر بية وقولة كدة(ياابويا السماوى انا بجيلك بكل اخطائى وعيوبى وبتوب عن كل اخطائى وبرجعلك وابتدى اذكر كل اخطائك امام الرب...........)وقولة ارجوك عرفنى طريقك فهمنى ودربنى على وصيتك اخترق قلبى واملانى بحبك انا عايز اتغير عن كل اللى كنت بعملة جددنى غير فكرى وسلوكى واسلوبى وطريقتى واطباعى فتح عنيا علي حقك وعشان اشوف انت اد اية بتحبنى رغم خطيتى وانك اد اية عظيم ورائع ارجــــــــــــــــــوك مش عايز ارجع للخطية تانى ساعدنى ان اغلب ابليس وفكر ابليس اللى عايز يدمرنى انا اؤمن انك موت على الصليب من اجل غفرانك ليا وتعطينى حيا ة ابدية يارب استلم وادخل حياتى انا بخضعلك واريد ان اتبعك فى اسم المسيح يسوع اميــــــــــــــــــــن
ثق ان الرب قبل توبتك وخلصك من اتون نار الخطية واتون نار جهنم الان عزيزى انت اصبحت ابن للة"الاشياء العتيقة قد مضدت هوذا الكل قد صار جديدا"2كورنثوس 5 : 17
ارجوك كل ليلة ادخل لمحضر الرب (غرفة صلاتك -خلوتك الشخصية)وابتدى اتكلم مع ربنا وتوب عن كل امر اول باول والتصق بالكلمة
(الكتاب المقدس)
لان كلمة اللة هى اللى هتساعدك تمشى صح وتغلب كل شر حواليك ولا تسمح لابليس ان يستردك لة مرة اخرى
وبعد كدة تقدر تقولة يارب (انا مستعد للقاءك

منقول

[ابن الباباا]

موضوع رائع ومميز مرسي لتعب محبتكم

[Mary Naeem]

شكرا على المشاركة
ربنا يفرح قلبك

[شيرى2]

شكرا على مروركم الجميلة