لما صحتك تخونك ورجلك متشيلكش ايه اللي يسندك

[walaa farouk]

بيقولوا الصحة تاج على رأس الأصحاء،
وده فعلاً صحيح.. لإنه مفيش أي فايدة للمال
أو الشُهرة أو المنصب أو الممتلكات لو من غير صحة.
علشان كده لما بيُصاب الإنسان بمرض أو إعاقة،
وخاصةً لما يكون حاجة مُزمنة ملهاش شفاء
بيكون الإحباط أضعاف، عايز أمشي مش قادر،
عايز أشوف مش نافع، بالإضافة لكلام الناس الجارح
أو تعاطفهم اللي بيزود الإحساس بالعجز والمعاناة.
بس اسمع الوعد ده من واحد اختبر الضعف الجسدي
وكان عنده شوكة في الجسد..
فقال: "وَلِئَلاَّ أَرْتَفِعَ بِفَرْطِ الإِعْلاَنَاتِ،
أُعْطِيتُ شَوْكَةً فِي الْجَسَدِ" (2كو 12: 7)
ونشكر ربنا إن ماقلناش نوع الشوكة..
علشان تمشي على كل أنواع الأمراض والإعاقات.
وكمان قال بولس قبلها في نفس الرسالة:
"لِذلِكَ لاَ نَفْشَلُ، بَلْ وَإِنْ كَانَ إِنْسَانُنَا الْخَارِجُ يَفْنَى،
فَالدَّاخِلُ يَتَجَدَّدُ يَوْمًا فَيَوْمًا" (2كو 4: 16). 😍👌