مرحلة العوااااااااااااااااصف ............ (( المراهقة ))

[مورا مرمر]

مرحلة العوااااااااااااااااصف ............ (( المراهقة ))

**** مواصفات هذه المرحلة

مرحلة المراهقة هي مرحلة تكوين الذات
• فيها ينمو الذكاء وتزداد القدرة على التفكير والتخيل
• انفعالات المراهق عنيفة ومتقلبة ومتناقضة وايضا المراهق يفشل في ضبط انفعالاته
• المراهق احيانا يشعر بالخجل والاحساس بالذنب والتردد وعدم الثقة بالنفس
• المراهق يستغرق فى احلام اليقظة ويفكر فى الحب والمستقبل
• المراهق يميل للتمرد والسخرية والمنافسة

*** الاسلوب الامثل للتعامل مع المراهق
• اولا :احذر النصائح الكثيرة او النصائح المباشرة فما اسهل الامر والنهي ولكن النتيجة العناد
يعني افتح معاه حوار اساله عن رايه
مثلا :
مش عاوزه يشوف تليفزيون كتير
1) يبقى اساله ايه البرامج والافلام اللي بيحب يشوفها
2) طيب بتاخد منك وقت قد ايه
3) مش شايف ان الوقت ده كتير وبيضيع منك ؟؟ (( كده بتخليه يحكم بنفسه ))
4) وبعدين اديله ثقة وقوله انا واثق انك تقدر تنظم وقتك بين مذاكرتك وترفيهك
وبعدين اترك له الفرصة يقرر

• ثانيا : عامله كناضج ليس كطفل عشان ماتاخرش نضوجه
يعني ماتقولوش ( انت لسه عيل )
ماتتريقش عليه خصوصا قدام الناس
خليك زي داود اللى قال لابنه سليمان ( كن رجلا)
والا هاتلاقيه كبر سنا فقط لكن لا يستطيع الاعتماد على نفسه ويعتمد عليك

• ثالثا : لا تمنعه من الهوايات بل شجعه عليها
لان الهوايات تنمي الشخصية والرياضة تسمو بالغريزة الجنسية

• رابعا : اسمح له ببعض الغضب
فكلنا نغضب فلا تستكثر عليه الغضب لانهم بشر مثلك
فقط حاول انت تمنعه من ايذاء نفسه او ايذاء احد بدون ان تنفعل
وبعد كده اساله عن اللى حصل قوله انت راضي عن اللي حصل ؟؟
اشفق عليه وقوله انك انت كمان وانت في سنه كنت بتنفعل لكن اتعلمت اني اتحكم في انفعالاتي

• خامسا : لو عرفت انه بيحب لا تسخر من مشاعره
عرفه انه في مرحلة الحب العام واتكلم معاه المناقشات هاتساعده على النضوج

• سادسا : اتعامل مع تمرده بهدوء
يعني لا تعطي له امر لكن اطلب منه طلب وقوله لو سمحت اعمل كدا ولما يعمل اشكره وقوله شكرا وقبله
لو مصر على عناده عرفه انك هاتسيبه على حريته واساله عن نتيجة تصرفه وسيبه يفكر مع نفسه ويقرر

• سابعا : رحب باصدقائه لان اصدقائه بالنسبه له ربما يكونوا اهم من اهله

• ثامنا : ساعده على الاستقلال
لو لم يستقل سيفشل في زواجه وستفشل فى زواجها
له ادواته الخاصة دولابه الخاص ولو اخطا علمه ان يتعلم من اخطائه

• تاسعا : ضع امامه قدوة
علمه انه يقلد الجوهر مش المظهر

• عاشراااااااااااااااااااااا : ارفع عنه شعوره بالذنب
لان المراهق يشعر بالذنب وبعدم استحقاقه بسبب افكاره وخطاياه فانه يبتعد عن الكنيسة
فمن الضروري ان نعلمه ان كل انسان له ضعفاته والكنيسة هي مستشفى والمسيح يقبل الخطاه

فان المراهق لديه استعداد رااااائع لعمل الخير لذلك نشجعهم ونجذبهم للخدمات في الكنيسة

• ( منقول من كتاب كيف نتعامل مع المراهقين ... القس رافائيل نصر )

[walaa farouk]

ميرسي على مشاركتك
ربنا يفرح قلبك

[Mary Naeem]

فان المراهق لديه استعداد رااااائع لعمل الخير لذلك نشجعهم ونجذبهم للخدمات في الكنيسة
ربنا يفرح قلبك

[مورا مرمر]

ميرسى على المرور الجميل