|
 |
 |
 |
|
|
|
رقم المشاركة : ( 1 )
08 - 09 - 2017, 04:17 PM
|
|||||||||||
|
|||||||||||
|
لما كنت بدرس في التعليم المفتوح في الجامعة الأمريكية...كنت باخود كورس في تصميم قواعد البيانات...
وتصميم قواعد البيانات من الحاجات اللي بحبها في مجال البرمجة... كان معانا ناس أجانب وناس أصحاب شركات وناس شغاليين في شركات عالمية... وأخوكم من عامة الشعب...بلا فخر...  اللي بيدرس لنا كان معلم بصراحة...كان خبرة كبيرة جدا في المجال...وأسلوبه بسيط ودمه خفيف. أنا أساسا شغال وفاهم شغلي بشكل كويس والحمد لله. وكمان قاري كثير...يعني تقريبا مش محتاج الكورسات دي في حاجة... لكن كنت بروح أخود شهادات...وأكتسب خبرات...وكمان أصنفر المعلومات اللي درستها بنفسي. اللي بيدرس لنا...طلب مننا بنهاية الكورس...نصمم قاعدة بيانات لنظام مدرسي. روحت مديها سهرة في الثغنطط كده في البيت...ومخلص المطلوب...علشان ناخود الدرجة بتاعت الكورس...علشان أكمل اللي بعده. يوم تسليم التصميم بتاع قاعدة البيانات...منظري بقى نص لبة بصراحة. مثلا كان معانا واحدة ألمانية، مديرة شركة...جايبه التصميم في ملف الغالي اللي بسلك ده...وتحس إنه ورقة من فضة وورقة من ذهب ! واللي جايب فرخ أبيض كبيرررررر زي بتوع هندسة...تحس إنه مصمم ناطحة سحاب تاريخية و و و و... لحد ما جيت أنا جايب تصميم قاعدة البيانات عبارة عن أربع ورقات مقطعوين من النص من كراسة. وكراسة إيه؟ من اللي ورقها معمول من قش الرز... واللون الأبيض بتاعها مِصفر ومعفن كده ولولا الملامة...كنت رسمت لهم قاعدة البيانات بإيدي. لكن احتراما للتاريخ العريق للجامعة الأمريكية...رسمت الجداول بمسطرة وقلم...مش خسارة فيهم ! المُدرس كان كل أما ياخود تصميم من حد...يحط التصميم فوق اللي قبله... بص لي...وعلى وشه علامات القرف والزهق...كان ناقص يرميني من فوق... وقام حط التصميم بتاعي تحت كل التصميمات التانية...وكان متعمد إنه يوريني إنه بيعمل كده. أنا عندي ثبات انفعالي مُذهل... ولما أحب أكون بارد...ببقى بارد زي جبل الجليد... قعدت مكاني والرجل كمل شرح محاضرة الأخيرة... وقال: المرة الجاية هجيب لكم الدرجات... ونسلم على بعض ونختم الكورس ده... المرة اللي بعدها... المُدرس قعد ينادي على الناس...ويسلمهم شغلهم ونتائجهم. وطبعا حاطط التصميم بتاعي في الزبالة تحت كل التصميمات. يقول لده برافوا...وشكرا للتاني... ده ياخود "إيه"...ده ياخود "بي"...إلخ. وبعدين وصل للتصميم بتاعي اللي على الورق المعفن. وقام منادى على الجميع علشان ينتبهوا، وقال: "أنتم شايفين الورقتين دول - كان نفسه يقول الورقتين الزبالة دول - أهو ده تصميم مثالي لقاعدة البيانات... ويستحق أكثر من الإيه بلاس... يا ريت تقعدوا مع الرجل ده...وتتناقشوا معه في قاعدة البيانات اللي عملها؟" طبعا كل الناس بعد ما كانوا قرفانيين من الورقتين...وتقريبا قرفانيين مني شخصيا... وجهة نظرهم اختلفت تماما... وبقى فيه ترحيب ومودة في التعامل ... وكذا حد قعد يسألني في التصميم، وقعدت أشرح له الشغل معمول إزاي. بحكي لكم الموقف ده...علشان أقولكم درسين اتعلمتهم من الموقف ده: الدرس الأول،،، أنت ممكن تكون شاطر وجميل...ممكن تبذل مجهود عظيم في حياتك. لكن كل ده ممكن يضيع منك...لو أنت ما عرفتش تسوق مجهودك. لو ما عرفتش تظهر الجمال بتاع الحاجة بتاعتك... وخليك عارف إن تجميل وتزيين المجهود...مش غش أبدا... الغش إنك تحاول تُظهر حاجة مضروبة على إنها روعة... والدرس الثاني،،، بلاش تحكم على الحاجة من مظهرها. بلاش تحكم على الناس والأشياء والمواقف من بره. ساعات كثير بيبقى قصادك جواهر. وتسيبها علشان هي مش معروضة بشكل كويس، أو عليها تراب ومش بتبرق. الحكمتين دول يعملوا معك شغل عالي قوي...سواء في حياتك العملية، أو في علاقتك الزوجية. 
|
|
08 - 09 - 2017, 04:35 PM
|
رقم المشاركة : ( 2 ) | ||||
|
† Admin Woman †
|
رد: بلاش تحكم غلط
وتسيبها علشان هي مش معروضة بشكل كويس، أو عليها تراب ومش بتبرق.
الحكمتين دول يعملوا معك شغل عالي قوي...سواء في حياتك العملية، أو في علاقتك الزوجية. |
||||
|
|
|
10 - 09 - 2017, 12:09 AM
|
رقم المشاركة : ( 3 ) | ||||
|
..::| مشرفة |::..
|
رد: بلاش تحكم غلط
ميرسى على مروركم الغالى
|
||||
|
|
|
10 - 09 - 2017, 04:52 PM
|
رقم المشاركة : ( 4 ) | ||||
|
..::| الإدارة العامة |::..
|
رد: بلاش تحكم غلط
ميرسى على مشاركتك الجميلة ربنا يبارك تعبك |
||||
|
|
|
11 - 09 - 2017, 01:02 PM
|
رقم المشاركة : ( 5 ) | ||||
|
..::| مشرفة |::..
|
رد: بلاش تحكم غلط
ميرسى على مرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| بلاش تحكم عليا لأنك مش فى مكانى |
| هناك حالات تعتبر دعوة بحكم الوصية، أو بحكم المحبة الأخوية |
| بلاش تحكم عليا لأنك مش فى مكانى |
| لو الدنيا كلها مش حاسة بيكم أنا حاسس بيكم |
| ابو بلاش كتر منه |
العرض المتطور