|
 |
 |
 |
|
رقم المشاركة : ( 1 )
17 - 05 - 2013, 10:04 PM
|
|||||||||||
|
|||||||||||
|
وداعا لمشاكلك مع خطيبك  من غير رغي كتير هادخل بقي في الموضوع علي طول لانه مهم جداااااااا ولا يحتمل التأجيل كتير اوي بسمع الجمله دي (من كام شهر كده وانا معرفش ياختي كان مالي فيه ايه كنت مطلعه عين خطيبي وحبيبي وحب عمري اللي مبحبش حد في الدنيا قده كل يوم مشكله....لا كل ساعه مشكله مع اني والله فعلا مكنتش كده ولاعمري هاكون ان شاء الله (وهو ياعيني راضي ومستحمل بس لحد امتي بقي ازاي ضيعت الوقت ده كله في نكد وخصام وبعاد عايزاكي تقفي مع نفسك وقفه ونقول باباي ياخصام وعايزين بقي نعيش حياتنا بدووووون مشاكل وخناق وخصام متكرر يمكن خطيبك ميميش معاه الي هقوله ويمكن نمشي احنا هنجرب والي هتفشل تقولي ونشوفلها حل في حاجات منقوله وفي حاجات افتكاساتي وهجرب معاكوا وباذن الله حياتنا تكون احسن 1ـ كوني الحاجه الحلوه الي تهون عليه حياته .. شايفه الكلمه دي فكري فيها كتيييييير اوي وحسيها مش صعبه ليه متكونيش الحاجه الي تهون عليه في الدنيا ؟؟؟؟ يلا قومي ابعتي المسج دي "بجد اسفه علي كل لحظه عدت عليه من غير ما اثبتلك فيها اني بحبك ومن اللحظه دي مش هاعيش غير عشان اثبتلك حبي ليك" وانتي بعا ممكن تكتبي اللي يناسبك بس حولين المعني نفسه وهو انك عاوزة تبدئي صفحه جديده . بس بلاش كلمه صفحه جديده دي عشان هما ياعيني من كتر مابيسمعوها يأسوا منها. يبقي المسدج دي هي الواجب الاول بتاعنا ومش هاقولك علي انطباعها عليه انتي اللي هاتيجي تقوليلنا طبعا والشرط الاساسي بقي اللي هاتركزي فيه عشان خططنا للسعاده دي تنجح "انسي اللي فاااااااااات"وتحتها مليون خط اوعي حسك عينك تجيبي سيره حاجه زعلتكم حتي لو هو غلطان وده من اللحظه اللي هاتبعتي فيها المسدج وحتي لو هو فتح اي زعل تردي رد واحد بس لاتكتري ولا تقللي"فعلا ياروحي انت عندك حق..انا مش عارفه ازاي زعلتك مني؟؟" واهو وبكرر حتي لو هو اللي غلطان واقلبي علي حوار تاني خالص وتجنبي تماما الكلام عن اي زعل كان بينكم وده واجب النهارده وممكن تنفذي حالا يللا وترجعي طبعا تقولي النتيجه وعلي فكره الواجب ده يتنفذ حتي لو كنتوا لسه متكلمين عادي ومفيش حاجه وان شاء الله نقدر نطرد النكد طرد من حياتنا 2- دلوقتي كل اللي عملوا الخطوه الاولي ييجوا معايا لتاني خطوه قومي من النوم وقت شغله حتي لو هتظبطي المنبه وتنامي تاني وبعتيله مسدج "صباح الخير علي اجمل عمر عشته وبعيشه وهاعيشه" وممكن كمان "صباح الخير علي اجمل قلب عايشه بيه وليه وبموت فيه..ويارب ياحبيبي ييجي اليوم اللي اصحيك انا فيه" وخلي الرساله دي تقريبا يوميه في معاد صحيانه عشان يعرف انك مهتميه بيه وعارفه مواعيده اوكي؟؟؟؟؟؟؟؟؟؟؟ وصدقيني هو هايستغرب وهايبقي مبسوط كتيييييييير وهايقول ياتري عاوزة مني ايه؟؟؟؟؟؟؟؟؟؟؟؟ايه؟؟؟؟؟؟؟؟؟؟؟؟؟؟؟؟؟؟؟؟؟؟؟ وانا معاكم برضه عشان نقول هانعمل ايه بعد المسدجات دي خدوا بالكوا في رجاله مبتحبش المسجات تحب تسمع صوتك بحسها احلي وارق واحن سمعيه صوتك ياستي مش خساره فيه الدقيقه .. 3- بلاش نكون انانيين في اتصالتنا....... هاتقوليلي ازاي يعني يعني متجيش سيادتك هو يبقي عنده شغل من 8 الصبح ل8 بليل ويادوب لسه راجع ونايم ياعيني وتروحي انتي متصله علي الساعه 12 كده مستنيه منه بقي انه يرد عليكي يقولك ايوه ياحبيبتي وحشتيني وكنت مستني مكالمتك؟؟؟؟ ده طبعآ حتي لو رد عليكي هايبقي بيقول في نفسه يارب الموبايل يفصل ولا الشبكات كلها تولع يعني لازم ياحبايب قلبي نختار الوقت الصح ونتصل فيه ندخل بقي في بدايه المكالمه وفي عده اساسيات لازم نركز عيها: واولها :صوتك.....بلاش صوت ام عتريس وهي بتنادي علي عتريس من الدور السادس الله يخليكم.. صوتك يكون واطي وحنين كده في الكلام يكون صوت بنوته يعني وتاني حاجه بلاش هاي وباي عشان خاطري ياريت اول ما نرد نقول السلام والنعمه..صدقوني بتعمل طمأنينه كده وارتياح جوه قلب الواحد.. طيب وطينا صوتنا وقلنا السلام والنعمه هانتكلم في ايه بقي؟؟؟ مش لازم ابدآ نتكلم في امبارح حصل فيه ايه ولا النهارده قابلت فلانه وكلمت فلان والحكايه من طأطأ لسلام عليكم وبس كده لا..ليه مانتكلمش عن بكره..عن مستقبلنا ان شاء الله..عن شقتنا..عن يوم فرحنا..عن اولادنا بإذن الله هانربيهم ازاي ؟ عاوزين اساميهم ايه ؟هايطلعوا شبهك ولا شبهي؟ حاجات كده حلوة وتفتح النفس بدل الكلام في المشاكل والنكد وانت عملت ايه لا انتي اللي غلطانه... واهي كل حاجه من الحاجات دي لو اتكلمنا عنها وخدنا وادينا وكلمه منه علي كلمه منك هاتاخد مكالمه كامله.. وممكن كمان تعملي افتكاسه حلوة كده في المكالمه يعني مثلا وهو بيكلمك انشغل بحاجه وقالك ثواني خليكي معايا او قفل ورجع كلمك.... اول مايرد قوليله تعرف انك وحشتني في الثواني دول؟؟؟ هاتلاقيه رد عليكي رد مش هاقولك عليه هاسيبك تسمعيه بنفسك وتبقي المكالمه كلها اخر رومانسيه ياستي.. وكمان ماننساش في اخر المكالمه مش اول مايقول سلام تردي تقولي سلام "ومش هاقولكم باي لاني مش بحبها" امال هاقول ايه؟؟؟ اول ماييجي يقفل قوليلوه استني استني نسيت اقولك حاجه هايقولك نسيتي ايه؟؟؟؟؟؟؟ قوليله برقه كده هاتوحشني..او..بحبك..وجري اقفلي السكه وكده هاتبقي قفلتي وانتي سايباه والابتسامه في وشه من هنا لهنا شبه بتوع اعلانات سيجنال للاسنان كده بالظبط يللا هاسيبكم عشان تروحوا تطبقوا عملي ولو افتكرت حاجه تانيه هاكتبهالكم وزي ماقلتلكم وبقولكم تاني اهم حاجه تختاري الوقت المناسب والكلام مش هايطير لو شايفه انه النهارده موده مش تمام اوي او حاسه الوقت مش مناسب نأجلها ليوم تمام كده وننفذ ملحوظه كمان في رجاله من الضغوط ميحبوش يتكلموا عن بكره وهو مثلا مش عارف هيجيب فلوس النقاش منين او طفحان الدم مع السباك وانتي تقوليله اخبار الشقه ايه انتي اول المكالمه حسيتي صوتوا مقلوب خلاص انا بطمن عليك ياحبيبي وقوم ارتاح قالك لا عايز اتكلم شويه اتكلمي في اي حاجه ترفهه عنه ولا عملت ايه النهارده ولا هتعمل ايه لقيتي مزاجوا حلو ارغي براحتك حاجه كمان في رجاله بتكرهه كلمه مالك مالك مالك بيتخنق حاولي تشوفيلها بديل مثلا انا بقول لخطيبي صوتك مرهق او متغير يبدا يقولي مضايق او مخنوق واعرضي عليه تحب تحكيلي قالك مش قادر قوليله ولا يهمك يهمني راحتك وقم ارتاح متزعليش انه مش بيحكيلك اغلب الرجاله متحبش تبان قدام الست انها في مشكله يحب يحل مشاكله ومن نفسه هيجي يحكيلك.. منقوووووووووووووول 
|
|
18 - 05 - 2013, 07:43 AM
|
رقم المشاركة : ( 2 ) | ||||
|
† Admin Woman †
|
رد: وداعا لمشاكلك مع خطيبك
كوني الحاجه الحلوه الي تهون عليه حياته
هي دي اهم حاجة انها تكون سبب فرحه وتهون عليه حياته ومشاكله شكرا يا فيمون ربنا يباركك |
||||
|
|
 |
|
العرض العادي
