|
 |
 |
 |
|
رقم المشاركة : ( 1 )
02 - 03 - 2017, 09:21 AM
|
|||||||||||
|
|||||||||||
|
عشار نصايح ممكن نعملها (عشان نلحق ) عشان نلحق نصحي وتفطر وننزل ونرجع ونقلع وناكل ونحل ونغير وننزل ونتدرب ونخلص ونتدرب تاني ونرجع ونقلع ونلحق ننام عشان نصحي نلحق الليكي بعض النصائح ١- ابتدي بصي عليه هو الاول وبصي في عينيه وشوفيه بيعمل ايه وكلميه عنه دقيقه قبل ما تقوليله ورآنا ايه وقوم بسرعه عشان نلحق متخليهوش مضطر انه يلفت انتباهك بالتناحه ويشحت منك الاهتمام عشان تبقي مهتمه بيه زي ما انت مهتمه بالمهمة ٢- لو هو بيتوه شويه في التفاصيل بلاش تقولي كلام كتير ورا بعض قوليله حاجه واحده محدده وبسيطه ولما يخلصها قوليله اللي بعديها عشان ميهنجش منك ويتنح وترجعي تزعلي منه انه بطئ مع انه بيحاول يجمع وهيرجع بعد شويه يقولك اتلخبطت او قوليلي تاني وكده بجد بجد مش هنلحق ٣- لو هو بيحب يبقي سيد قراره ويختار ولما بتدخلي عليه بالأوامر بيرفع حاجبه ويحسسك انه جوزك مش ابنك وانت تعديتي حدودك ويبتدي يعند معاكي ويعاملك بنديه ويستفذك من الاول كده ادخلي عليه باختياريين يختار بينهم اختيارين محددين هنلبس الطقم ده ولا ده أحطلك معلقتين ولا تلاته. هتبتدي الواجب في الliving ولا أوضتك لمي نفسك من الاول انت عارفه عايزيين نلحق نعمل الخطه ونلحقك انت كمان من الفرسه وإدمان الأغاني الهابطه زي اه يا ناري يا ناري يا ناري يا ناري ٤- لو وهو مرتفع التوقعات وبيتخض من اي خطوه جديده ويقعد يقولك مش عارف مش هعرف صعب صعب مع انه عارف ولما ربنا بيهديه بيبقي سهل سهل اوعي اوعي تدخلي عليه بمهمه كبيره هو شايل الهم خلقه اديله خطوه صغيره يعني بلاش قوم اللبس خليه طلع التيشيرت من الدولاب وبعدين البنطلون وبعدين ها ناقص لك ايه؟ الا لو قلتيله قوم اللبس ولا قوم حل الواجب والمهام الضخمه دي يكسل ويحس بالعجز وده بالذات نصيحه مني مش هيخلينا نلحق ولو ضغطي عليه هيعيط ويحسسك انك ضربتيه بالنار وكده بقي مش هنلحق مش هنلحق ٥- لو في حاجات بنعملها كل يوم في اختراع اسمه روتين فيه الخطوات دي ورا بعض توفيرا للأعصاب اعملوا روتين عشان نلحق ٦- لو في حاجات كل مره بتعطلكم وينفع تتعمل من قبلها ياريت شويه نظام عشان نلحق ٧- لو في حاجه بتاخد منه وقت طويل تعرضي عليه المساعده في جزء منها مش فيها كلها وخلي بالك جزء منها مش كلها عشان نعلمه التعاون مش الاعتماديه وكل ما يكبر يتنح وهمه يتقل ومش هنلحق ااااه حقيقي مش هيبقي فينا نفس نلحق ٨- لما تنادي عليهم اديهم فرصه يسيبوا اللي بيعملوه مش بضغطه زرار هيجولك اصبري شويه عشان يلحقوا ٩- اعملي في وقتك حساب كل من -نسيت حاجه -عايزه اجيب حاجه -هقعد مع صاحبي شويه -هقول لصاحبي باي -هوريكي حاجه عشان لو معملتيش الحاجات دي هتحصل ومش هنلحق ١٠- اعملي في خطتك حساب المفاجأت والزعل والعياط والخناق والقمص وليه وليه وكمان مره ليه يا ماما ليه وبعد ده كله ادعي كتير اوي نلحق 
|
|
| قد تكون مهتم بالمواضيع التالية ايضاً |
| الموضوع |
| نصايح ع الماشي عشان متكرهيش المطبخ |
| عشان تفـضلي منـورة دي نصايح ليكي |
| 10 نصايح عشان تكون gentleman وتكوني lady |
| فكرة ممكن نعملها ونحط فيها صور أولادنا في الفصل |
| فكرة ممكن كلنا نعملها |
العرض الشجري