عن لسان اللواء ناصف شاهد عيان حريق كنيسة مارمينا شبرا
عن لسان اللواء ناصف شاهد عيان حريق كنيسة مارمينا شبرا السابعه ٧ الا ربع تقريبا كنت في البيت واستعد علشان رايح انا وحفيدي يوسف لدكتور الاسنان ولكن المدام قالت في ريحة شياط جامده وسألت هي البواب عن مصدر الدخان والشياط للاسف قال لها ان في حريقه في الكنيسه بلا تردد لبست باقي هدومي وبسرعه اخترقت المئات عند الكنيسه وكيف وصلت الي داخل الكنيسه لااعرف ازاي بجد شباب متحمس وستات تبكي ولاانسي عم محفوظ فراش الكنيسه فعلا عندما رايته يبكي فعلا الدموع مش عارف نزلت مني شفت وجوه غريبه شفت شباب متحمس وكل واحد فيهم الكلمه اللي علي لسانه انا ابن الكنيسه انا ابن الكنيسه يارب لاتترك كنيستك تحترق الحقيقه المطافي لم يتاخر والحقيقه هما كانوا طبعا لسه مفطروش والحقيقه المؤلمه المياه ضعيفه في خراطيم المطافئ ولايوجد سلم للمطافي واصل جوه الكنيسه طبعا لان كنيستنا في ممر ضيق من شارع الترعه طلبوا سلالم وفعلا اصحاب محلات الملابس في الترعه عملوا زحف في ارسال السلالم ياه علي منظر النار ولونها وريحتها جوه الكنيسه النار كانت في الدور التاني اقصي اليمين نار شديده جدا وانا لما شفت النيران بالكم ده كنت بحاول مع الشباب في ايقافها باي وسيله ولكن للاسف كانت في زياده حتي ان كنت اتوقع ان يسقط اي سقف علي الناس من كثره النيران والمياه اللي استخدمها المطافئ لكني كنت ان هذه لن تطفئ بايدي بشريه لاسباب كتيره عجز رجال الاطفاء في ضع طريقه للوصول للنار لضيق المكان واخطر حاجه الحماس الزائد من الناس لاننا لايوجدلدينا ثقافة ادارة الازمات وطبعا الاعداد في زياده عند الكنيسه وبدات الناس ترفع خراطيم المياه الي اعلي لزيادة ضخ المياه ولكن فعلا دون جدوي فعلا كان الكل بيصارع من اجل انقاذ الكنيسه ولكن بدون نظام وفي لحظه بدات اسمع كيرياليسون كيرياليسون كيرياليسون وبدات النار تزداد بشكل عجيب جدا والاعجب انها هدات مرة واحده وعندما نسكت ولا نقول كيرياليسون كانت النار تشتعل وبتركيز شديد وغريب في نفس المكان ولكني ادركت ان الله استجاب لصلاتنا لحظات صعبه ودون مقدمات اعلن الضباط انتهاء الحريق دون ابداء اسباب حتي اني ذهبت له وسالته عن هل تم التبريد انك عجيب يالله يارب اشكرك اشكرك لان مكان الحريق كان في اصعب مكان في الكنيسه وكمان الكنيسه في صعب وطبعا اللي من شبرا عارف كده وكمان ميعاد الحريق كان في قبل افطار اخوتنا المسلمين بدقائق ومصر كلها في استرخاء صدقوني ماكان يجدي في اطفاء مارايته ولا حتي مياه مصر كلها ولكن هتاف الشعب كيريالسون كيرياليسون طفت النيران كل ماشاهدته كان ينبئي بكارثه يارب نشكرك نشكرك نشكرك والاهم لايوجد اي اصابات في الناس رغم وجود اجتماع للكشافه اعتقد ذللك في الكنيسه واشمعنا الكشافه لانهم عندما الوعي والتدريب في التعامل مع هذه المواقف وفعلا كان ليهم دور مهم جدا في تهدئة الناس صدقوني سيناريو اللهي انا شاهد عيان هذا الحريق تم اطفائه بكيرياليسون التي كانت تخرج من خراطيم المياه والحمدلله الخسائر زهيده جدا ولاتقاس انها ذكرتنا ان ربنا موجود لنا ومن اجلنا وانه سند لنا «قَدْ عَلِمْتُ أَنَّكَ تَسْتَطِيعُ كُلَّ شَيْءٍ، وَلاَ يَعْسُرُ عَلَيْكَ أَمْرٌ. أيوب 42 : 2
هذا ماحدث فعلا الله يسمعنا عندما نطلب شكرا اولا واخيرا لك يارب شكرا لصاحب الكنيسه مارمينا شكرا لكل الايدي التي ارسلتها لنا وان اكلت النار جدران لكنها كانت نار تنتج غيرة الروح علي بيتك يارب
21 - 06 - 2016, 01:20 PM
العرض الشجري