عشان نكون مستعدين

[walaa farouk]

بيقولوا ان الانسان وهوا بيموت وبيطلع ف الروح .حياته كله بتمر قدامه كأنها شريط فديو
عشان كدا طول ما انا ماشي ف الشارع او اي موضوع او اي موقف بمر بيه بشوف انا اتصرفت ازاي عشان لما العمر يعدي وتيجي ساعه الموت هتبقا دي كلها مجرد ذكريات وع حسب الاعمال هتبقا الذكريات

عشان كدا لازم كل واحد يشوف بيقضي وقته أزاي عشان لما العمر يعدي ويبقا مجرد ذكريات يشوف هوا اتصرف وعاش حياته ازاي
ويشوف مثلا ايام اجأزته كان بيروح الكنيسه ولا بيكسل
ولما بيصحا ف نص الليل كان بيصلي صلاه نصف الليل او جزء منها ولا بيكسل
وف شغله امين ولا لا
وبعد شغله وف وقت فراغه كان بيصلي وبيقرأ انجيل ولا كان بيقضيه ع الفيس
وف خروجات مع صحابه كانت بتكون خروجاة كلها خطيه ولا لا
ولما بيزعل من حد كان بيروح يصالحه ولا لا

واكتر ناس عرفت الكلام ده هي الناس اللي ف السما واللي ف الجحيم
بس اللي ف السما عرفوه بدري عشان كدا مضيعوش حياتهم بعيد عن ربنا
انما اللي ف الجحيم تلاقيهم دلوقت بيقولوا
كان هيحصل أيه لو صليت حتي لو 10دقايق ف اليوم ما انا كان عندي24ساعه
كان هيحصل أيه لو روحت الكنيسه ولو مره ف الاسبوع
كان هيحصل أيه لو سامحت اللي زعلني بدل ما اقول كرامتي ونفعتي بأيه دلوقت كرامتي
كان هيحصل لما حصل كذا وكذا وكذا كنت اتصرفت كويس
لكن طبعا الندم مش هينفع
عشان كدا صدقوني مفيش حاجه ف الحياه تستاهل انكم عشانها
ازعلوا بس لو فرصه التوبه فاتت
عشان كدا ركزوا بتعيشوا حياتكم ازاي عشان لما العمر يعدي ويبقا مجرد ذكريات . تكون ذكريات جميله

فطالما انتوا احياء . متزعلوش من حد مهما حصل وحبوا كل الناس
وصلوا بأستمرار
والكنيسه تكون ليكم بيت ودار
وواظبو ع التناول من الاسرار
وربنا ميغبش عن بالكم لا ليل ولا نهار

عشان لما الزمان يمر ويبقا مجرد ذكريات
مترجعوش تندموا ع العمر اللي فات
وتكون مستعدين للوقوف قدام رب السموات

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى

[Rena Jesus]

ميرسى ربنا يبارك تعب محبتك

[walaa farouk]

ميرسي على مرورك الغالى رينا