|
 |
 |
 |
|
رقم المشاركة : ( 1 )
25 - 07 - 2021, 11:15 AM
|
|||||||||||
|
|||||||||||
 بنسمع الجمل دي كتير اوي اليومين دول: هو انا ليه ربنا مستكتر عليّ اني أفرح؟!!😔 هو ليه انا بس اللى بيحصل معايا كده؟! 🤷🏻♀️ هو ليه الحاجة الوحيدة اللي اطلبها ماتحصلش رغم أن في ناس تانية مش ناقصهم حاجة؟!🤔 هو ليه دايماً انا محتاج وغيري بيتمرمغ في النعم؟!😢 على الجانب العملي ليّ صديقة دايماً شايفة أن اللي في ايديها ناقص حتة.. دايماً شايفة النقطة السوداء . . دايماً بتقول أنه الكوباية ناقصة مية .. هي دي نظرتها دايماً رغم أنها أغنى حد في أصحابنا ومعاها فعلاً افضل الحاجات المادية👌🏻 ... وعلى الجانب التاني شفت صاحبتنا التانية اللي عندها كل حاجة خير من ايده مع أن بيتها أقل بكتييييييير من بيت صاحبتنا الأولى وظروفها يعني مش ولابد.. انا باشوف أن صاحبتنا الأولى اختارت تنكد على نفسها وعايشة بتشكي أنه ناقص حاجة .. وصاحبتنا التانية باشوف كل مرة ربنا بيكرمها حتى بالقليل فرحانة وممتنة☺️.. الفكرة هنا في دورنا احنا الإنساني.. دورنا هو نظرة الرضا☺️ ... رضا القلب🤍.. خليني يارب دايماً شايف الصفحة البيضا وشايف عطاياك وفرحان بيها😄 .. خليني متأكد أن كوبايتي مليانة مش ناقصة شفطة واحدة😊... 
|
|
| قد تكون مهتم بالمواضيع التالية ايضاً |
| الموضوع |
| يحصل اللي يحصل يا رب |
| يحصل اللي يحصل |
| اللي يحصل يحصل |
| اللي يحصل يحصل |
| انا مش داخلة المنتدي دة تاني و اللي يحصل يحصل !!! |
العرض الشجري