|
 |
 |
 |
|
رقم المشاركة : ( 1 )
16 - 01 - 2013, 10:26 AM
|
|||||||||||
|
|||||||||||
|
~ لماذا الدراي فود (الطعام الجاف) سيء لقطك ~
 دائما نقول "الدراي فود مضر للقطط... ما ينفع تعطي قطتك دراي فود.." واتوقع كثير ما يعرفون الاسباب اللي تخليه مضر، لأن لو عرفوا ما اعطوا قططهم  زي ما احنا عارفين القطط في الطبيعة تصيد وتاكل (يعني تاكل لحوم نية، سواء طيور، قوارض.. الخ)، ومنطقياً، افضل حمية نقدمها للقطط هي اقرب حمية للطبيعة، لأن جسمهم تطور انه يستهلك هذا النوع من الطعام، ولو غيرناه احنا قاعدين نخالف الطبيعة اللي عاشوا عليها آلاف السنين بدون مشاكل لكن فيه اسباب تخلي الدراي فود بالذات طعام "سيء" لقططنا، 1/ أول وأهم سبب : انه جاف !  نسبة الرطوبة في اللحوم النية 70 ~ 75٪، نسبة الرطوبة في طعام القطط المعلب 78٪، نسبة الرطوبة في الدراي فود 7 ~ 10٪ فقط ! طيب ليش فيه مشكلة من قلة الرطوبة في أكل القطط ؟ لأن القطط بطبيعتها ما يدفعها العطش انها تشرب مثلنا، ومهما كانت القطة اللي تاكل دراي فود تشرب موية كثير، في النهاية مجموع المويه اللي تستهلكه يكوّن نصف كمية الموية اللي تستهلكه القطة اللي تاكل طعام معلب يعني بين قوسين، مستحيل تقدر تخلي القطة اللي تاكل دراي فود تستهلك مويه قد القطة اللي تاكل طعام معلب أو راو فود دايت طيب ليش مهم ان القطة تستهلك موية كثير ؟ انخفاض الرطوبة في جسم القطط يسبب : التهاب المثانة ( cystitis ) :  التهاب في جدار المثانة يسبب صعوبة وألم عند التبول مما يسبب تبول القط بكميات قليلة، من المسببات لالتهاب جدار المثانة هو البول المركز اللذي ينتج عن اطعام القط حمية لا تحتوي كميات مناسبة من الماء. انسداد الإحليل ( Urethral Obstruction ) :  الإحليل هو المجرى اللي يخرج البول خارج الجسم، وممكن ينسد جزئياً أو كلياً بمادة مخاطية، أو كرستالات أو حصوات أو خلايا ملتهبة... وهي حالة خطيرة قد تسبب انفجار المثانة خلال 24 ساعة من الانسداد الكلي، ومن ثم الوفاة السبب، قله مرور المياه من المثانه (يعني قلة المياه في طعام القطة) لما نعطي قططنا طعام بنسبة رطوبة عالية (لحوم أو طعام معلب) كذا يزيد المياه في جسم القطه = تزيد المياه اللي تمر بمثانه القطة = المياه تغسل معها المواد الموجوده في المثانة اللي ممكن تسبب الانسداد (المواد المخاطية، الكرستالات .. الخ) وبكذا فرصة حصول الانسداد تكون قليلة جداً بعكس لما نعطي القطة طعام نسبة الرطوبة فيه قليله (الدراي فود) تقل المياه اللي تمر بمثانة القطه = تكدس المواد في المثانة مسببة الانسداد. مرض الكلى ( Kidney Disease ) :  طبعاً من المعروف ان نقص استهلاك المياه قد يسبب فشل في الكلى، أيضا يحصل بسبب نقص البروتين في طعام القطة (والدراي فود افضل مثال على نقص البروتين) لما القطة ما تاكل بروتين بكمية صحيحة راح يبدأ جسمها يستهلك البروتين الموجود في الجسم (عضلات القطة) وهذا يسبب خسارة القطة لعضلاتها وضعف جسمها وأيضا زيادة في مادة اسمها الكرياتينين تنتج من تفكيك العضلات، ولما تزيد هذي المادة راح تشتغل الكلى زيادة في تصفيتها مما قد يسبب الفشل الكلوي. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ 2/مليء بالكاربوهيدرات !  القطط حيوانات لاحمة 100٪، يعني زي الأسد والنمر تماماً، وكمية الكاربوهيدرات (حبوب، بطاطس، رز...) اللي يموجودة في الدراي فود غير منطقية ! ما نقدر نتخيل نمر قاعد ياكل رز صح ؟ إذاً ليش احنا قاعدين نعطي قططنا أكل غير مناسب لجسمهم ؟ بسبب الشركات الكبيرة اللي قاعده تصنع أكل غير مناسب صحياً بس عشانه "رخيص" في الطبيعة القطط تاكل لحوم يعني طعام عالي في البروتين والرطوبة يعني عكس الدراي فود تماماً، ونسبة الكاربوهيدرات اللي تستهلكها القطة في الطبيعة هي 1 ~ 2٪ بينما في الدراي فود هي 35 ~ 50٪ ! وربما أكثر في الأنواع الرخيصة طيب ايش المشكلة لما تكون حمية قطتي فيها كمية كبيره من الكاربوهيدرات ؟ القطط ما تقدر تفكك الكاربوهيدرات كويس بسبب نقص لمسارات إنزيمية معينة بجسمها، من الأمراض اللي يسببها وجود الكاربوهيدرات بكميات كبيرة بنظام القطة الغذائي : مرض السكري ( Diabetes ) :  للأسف مرض السكري شائع عند القطط، مع أننا لا نعرف الأسباب، إلا انه تمت ملاحظة أن بعض القطط المصابة تحسنت بشكل كبير بعد تحويلها من الدراي فود الى حمية تحتوي على نسبة قليلة من الكاربوهيدرات. السمنة ( Obesity ) :  الكاربوهيدرات تسبب السمنة للقطط اللي تستهلك كاربوهيدرات بكمية كثير (تاكل دراي فود) لأن جسم القطة ما يحتاج هالكمية من الكاربوهيدرات فيخزنها بالجسم على شكل دهون، وهو الوزن الزائد، القطط السمينة معرضة للإصابة بالسكري أربع مرات أكثر من القطط الطبيعية، هذا غير انهم ما يقدرون ينظفون أنفسهم مثل القطط النحيفة، مما يؤدي الى الالتهابات بجلد القطة. أمراض الفم ( Dental Disease ) :  من الخرافات المنتشرة بين الناس ان الدراي فود "كويس لأسنان القطة"، وهو العكس الطعام الوحيد اللي كويس لأسنان القطة هو قطع اللحوم والعظام النية، أما الدراي فود فهو بالعكس سيء لصحة الفم لأنه يحتوي علي الكاربوهيدرات وهي عامل مهم في تسوس الأسنان ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ 3/ نوع البروتين الدراي فود أغلبه بروتين نباتي (عشانه ارخص)، بعكس الطعام المعلب اللي غالبا يكون بروتين حيواني، وبما ان القطط حيوانات لاحمة، فطبعاً من المهم اننا نعطيهم بروتين حيواني لأن جسم القطط ما يقدر ياخذ الأحماض الأمينية اللي يحتاجها من البروتين النباتي ولما يكتبون في كيسة الدراي فود ان نسبة البروتين عالية، هذا مو معناته ان هذا الدراي فود كويس للقطة، لأن البروتين هذا في الغالب نباتي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ هل الدراي فود حقاً آمن ؟  الجواب هو لا، بما انهم يستخدمون خضروات وحبوب، وهذي الاطعمة تتعفن، مع العلم انه رسمياً مسموح لمصانع اطعمة الحيوانات بكمية معينة من العفن ! وتقريباً كل سنة نسمع تلوث في بعض ماركات اطعمة الحيوانات، الدراي فود ما يتفرزن ولا يتبرد وانما يتخزن بالمصنع فترة بعدين في المحل فترة وفي بيتك فترة، وبكذا تمر شهور قبل ما تاكله القطه، وفي هذي الفترة ممكن تتكوّن فطريات، عفن، بكتيريا، مواد سامة، تفاعلات كيميائية.... هذا غير ان بعض الناس يتركونه مكشوف بطبق للقطة 24 ساعة وقبل لا تفكر تضيف الماء إلى الدراي فود لازم تعرف عن شيد اسمه mycotoxins، المايكوتوكسنز هو منتجات ثانوية من الفطريات الطبيعية اللي تتواجد طبيعيا في الحبوب لما تتخزن بطريقة خاطئة، وتم العثور عليها في اطعمة القطط والكلاب الجافة، لأن تجنب تكون هذي المادة يعتبر عملية مكلفة للمصانع، لأنهم يستخدمون أسوأ الحبوب الموجودة (الحبوب اللي ما عاد تنفع للاستخدام الآدمي هم ياخذونها لأنها أرخص) المايكوتوكسنز خطرة جداً على القطط والكلاب وقد تسبب الوفاة وإلى الآن نسمع ناس يخافون من اعطاء قططهم راو فود دايت بسبب الخوف من ناحية الأمان، بينما الخوف المفروض يكون من الدراي فود ! ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ "لكن قطتي صحتها "كويسة" وهي تاكل دراي فود"  كل قطة اصيبت بمرض السكر كانت "كويسة" قبل ظهور الأعراض، وكل قطة اصيبت بانسداد الإحليل كانت كويسة، وكل قطة اصيبت بالتهاب المثانة كانت كويسة.... ليش الانتظار لين يصير لقطتك نفس المصير ؟ اذا ظهرت الأعراض غالباً يكون فات الأوان، وبعدها يبدأ لوم النفس وتخيل سيناريو ثاني لو اهتميت شوي بتغذية قطتك، ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ "لكن الطبيب البيطري ينصحني بالدراي فود"  أولاً مو كل شيء يقوله البيطري نطبقه بدون ما نفهم، فيه اشياء منطقية وفيه اشياء لا، هل البيطري أعرف من اللي خلق القطة ؟ لو الدراي فود كويس للقطط واللحوم النية سيئة للقطط كان ما عاشت القطط للحين، كان انقرضت من زمان، ثانياً الأطباء البيطريين ما يدرسون كثير عن التغذية، د.ليزا بيرسون طبيبة بيطرية اللي انا ماخذة اغلب المعلومات هذي من موقعها، كانت توصي مرضاها علي الدراي فود، وكانت تعطيه قططها لين هي بنفسها بحثت وعرفت انها على خطأ عشان كذا نشوف اختلاف الآراء بين البيطريين بالنسبة للدراي فود، لأن بعضهم يحب يعرف أكثر عن تغذية القطط فيبحث ويعرف، والبعض ما يهتم ويكتفي بالأشياء اللي درسها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ نقاط مهمة : 1) مو كل الطعام المعلب نسبة الكاربوهيدرات فيه قليلة، أغلبه يحتوي على كمية كبيرة من الكاربوهيدرات، أمثلة على ماركات كويسة schesir - sheba - shiny cat هذي اسماء الماركات، لكن مو معناته ان كل منتجات هالماركات كويسه، لذلك لازم نقرا المكونات 2) كل الدراي فود سيء، مهما كتبوا في المغلف ومهما كانت ماركته، صحيح بعضهم افضل شوي من بعض لكنه لا يزال سيء  وأخيراً، التغذية الجيدة هي أساس الوقاية، القطط المفروض تاكل لحوم وعظام وأعضاء، الطعام اللي هي انخلقت عشان تاكله، مو طعام مصنع بمكونات ما نعرف عنها الا شوي من مصانع جشعة أكبر همها الربح، ليش نعطي قططنا أكل احنا عارفين ان قطط كثيير عانت وماتت بسببه، ليش ننتظر دورنا 
|
 |
|
العرض العادي
