أنقاذ رضيع عمره 7 ايام من تسمم دموى و موت محقق
اخواتى الأحباء معجزة حبيبنا ابونا سمعان معانا يوم عيد نياحتة الثامن لابونا ان اختى الكبيرة انجبت طفل قبل يوم عيد ابونا سمعان ب 7 ايام وبعد ولادتة تدهورت حالاتة الصحية جدا كانت حرارتة كبيرة جدا ولما روحنا للدكتورة الاطفال قالت ان الطفل عندة تسمم دموى وانة مش هيعيش ودى ارادة ربنا يوم عيد نياحة ابونا سمعان انا كنت ناسى عيده بسبب اننا كنا بندور على مستشفى و مكناش لاقين مستشفيات فيها حضانات وبعد محاولات كتير اتفقلت امامنا كل الابواب سلمنا امورنا لربنا واختى روحت بيتها بطفلها شبة الميت وانا ايضا روحت بيتى اللى فية العائلة نفسها وكنت حزين جدااااااااااااااااا على اختى وابنها وفتحت الفيس بوك بليل كعادتى لاتصفح وانا بتصفح فى هذا اليوم بليل ولاقيت احد الاعضاء منزل ان النهاردة عيد ابونا سمعان الانبا بولا وهو قديس مش غريب عليا لان كنيستنا ف المنيا اخدت بركة المعجزة بتاعت الاتوبيس اللى اتقلب زمان وهو فى طريقة للدير وظهر ليهم ابونا سمعان وهو متنيح ودواهم واسعفهم فكنت على علم بة جيدا فطلبتة من كل قلبى وضعت يديا على صورتة على الكمبيوتر وغمضت عنيا وصليت وطلبت منة انة يمد ايدية الحنونة ويتشفع لابن اختى لان كان شبة ميت وطلبت منة الشفاء وكنت طمعان ف محبتة وشفاعتة فنشكر اللة فى نفس اليوم اللى طلبتة فية وكان بليل متأخر ربنا اتمجد بصلاة ابونا سمعان وابن اختى الحرارة نزلت بعد ماكانت كبيرة جدااااااااااااا والصفرا اللى كانت عندو راحت ونشكر اللة التسمم الدموى راح من جسده تماما لاننا ودناة تانى يوم للدكتورة اللى شافتة قبل كدة قالت الواد دة اتعملة معجزة لان انا كنت متأكدة انة هيموت عشان مكنش هيتحمل التسمم الدموى واكدتلنا ان مفيش فى جسده اى شىء وان ربنا اتمجد معاة ليتمجد اللة فى قديسة اخواتى الاحباء اللة حنين علينا جداا والقديسين سفراء عنا اللة اوجدهم ليساعدونا وليقفو بجنبنا ثقو فى المسيح وفى وعودة واتشفعو بهذا القديس العظيم اللى ماهما قولت مش هعرف اعبر عن شكرى لى وعلى محبتة وشفاعتة الكبيرة نشكر اللة
16 - 02 - 2016, 04:22 PM
العرض الشجري