|
 |
 |
 |
|
رقم المشاركة : ( 1 )
14 - 03 - 2022, 09:15 PM
|
|||||||||||
|
|||||||||||
 زماننا زمن اوبئة (كورونا) و حروب (روسيا و اوكرانيا) ، يحتاج الي حكمة و بصيرة في التعامل مع الازمتين .. ١-الهلع : اوعي الخوف يحركك لانه ح يخليك تاخد قرارات غلط.. اهدي و عقل قلبك و نفسك لان الدنيا ليها رب مدبرها و مسؤول عنك و عن أولادك.. وقت العوز البركة تكفي ما ينقص .. اجتهد و سيبها علي الخالق يكمل نقصك افتكر ان وقت الجفاف ربنا رتب لايليا نهر كامل يشرب منه (نهر كريت) و غذاء يومي من حيث لا يتوقع (الغربان) .. مش بس كده ، ده بعت بركته فخلي الدقيق و الزيت لارملة صرفة صيدا يكفي لنهاية الازمة (ملوك اول ١٧) .. ٢-البخل : اكثر من العطاء لان ده وقته .. اوعي تقول ادي منين .. اعطي لله في يد المحتاج و ربنا ح يباركلك قبل ما يباركله .. بالعكس ده وقت السخاء و الكرم .. نصيحة اخيرة : اذا كنت مقتدرا في زمن الغلاء لا تعطي دروسا للفقراء: اصمت و أحسن لهم ، هذا أفضل الف مرة .. ٣-الجشع : ايا كان عملك لا تغالي في أجرك.. لو شعرت بالناس كله ح يعمل زيك ، و لو بالغت في طلباتك انت اول من سيعاني .. ٤-الاستمرار في نفس طريقة صرفك : آن الأوان ان تعيد ترتيب أولوياتك و تحذف الكثير من الكماليات و المبالغات في صرفك : عزومات زايدة ، شراء بلا عقل ، اصرار علي اقتناء أشياء لا داعي لها . وفر ما لا لزوم له الآن، فما تشتريه و انت لا تحتاجه سيحرمك من أشياء لن تقدر عليها و انت تحتاجها .. ٥-اتباع سياسة القطيع : يجعلك اعمي و جشع و أحيانا احمق .. لا تخزن أشياء او تشتري أشياء بلا داعي .. من حقك ان تري ما ينفعك و تفعل ما تفهمه في الاستثمار الاهوج الان . جيد ان تدرس خطواتك المالية مع من يفهم .اقتصاد الأزمات محفوف بالمخاطر، فانظر أين تضع قدميك جيدا .. ٦-التشاؤم : يا ما دقت علي الراس طبول ، و ياما حروب قامت و خلصت و ياما نار ولعت و انطفت .. خللي عندك امل و صدق ان الله قادر ان ينهي الأزمات بقدرته و نعمته .. ٧-الهروب : اوعي تبطل شغل اوعي تقلل اهتمامك بعيلتك و تحسسهم بالياس اوعي تبطل صلاة و عبادة اوعي تهرب لأي طريق ادمان علشان تنسي همومك فتؤذي نفسك 
|
|
العرض الشجري