الطرقة السليمة لعقاب طفلك

[Marina Greiss]

نتكلم بالبلدى:
اكيد انتى بتحبى طفلك وفى نفس الوقت لو عمل حاجة غلط بتبقى عايزة تعاقبيه وده مش غلط ولكن للعقاب اصول لكن قبل ما تفكرى تعاقبيه اظهريلو محبتك له ودى الارض الصلبة الى هتقفى علها وانت بتعاقبى طفلك لان الطفل لو حس احاس حقيقى بحبك الحقيقى له هيتقبل منك العقاب وهقولك شوية نصايح وانتى بتعاقبيه:
1- متعاقبيهوش على حاجة عملها غصب عنه مثلا كوباية وقعت من ايدو واتكسرت اوقال كلمة قبيحة اول مرة يقولها لانه غصب عنه سمع الكلمة دى من بره وميعرفش ان كانت صح ولا غلط اومش قادر يشيل حاجة اتقل منه اوتبول ليلا وهو نائم لانك لو عاقبتيه على حاجه ملوش ذنب فيها هيفقد ثقته فى نفسه وبالتالى اخطاءه هتزيد ويزيد عقابك ليه وتتضخم المشكلة دون ان تحل
2 - خلى عقابك ليه على قد غلطه لاتضخمى العقاب وانتى فاكره انه بكدة هيتصلح لكن ممكن تكررى نفس العقاب بس مش كتير او تغيرى طريقة العقاب ولكن على نفس القدر الذى اخطأه
لا تعاقبيه على خطأ واحد مرتين فى نفس الوقت
3 - اوعى تضربيه بالقلم على وشه لان ده فيه اهانة شديدة له وخاصة قدام حد غريب لانك بنفس الايد اللى ضربتيه بيها هى نفس الايد اللى بتطبطب وساعتها هيبص لايدك هل هى الايد الحنينة اللى بتطبطب ولا هى الايد القاسسة اللى بتضرب( ساعتها يقول فى نفسه ايه اللخبطة دى)
4 - بعد فترة العقاب المحدده روحيلو واحضنيه واظهريلو محبتك لان فى الوقت ده بيكون فى اشد الحاج لمحبتك واوعى تكشرى فى وشه بعد العقاب لأنك لوعملتى كدة كأنك بتعاقبيه مرة تانية ولو كشرتى فى وشه بعد العقاب هيحس بالظلم لانه خلاص هو غلط وخد عقابه وعلى فكرة الطفل بيكون فكرته عن ربنا من
خلال تصرفات الاب والام معاه لانه مشفش ربنا لكن شاف ربنا فى امه وابوه وتفتكرى ربنا بيعاقبنا مرتين ولمل يشوفك بتظلميه هيقول ان ربنا ظالم
5 - اوعى تعابيه بكلام جارح (انت غبى- انت مش نافع اخوك التانى او اختك احسن منك)لان الكلام ده بيهد مش بيبنى فى الاطفال
اخيرا افتكرى ربنا بيتعامل مع اولاده اذاى واتعاملى انتى مع طفلك وربنا يباركك