رد لي كل اللي اتسرق مني

[walaa farouk]

رُدَّ لي بَهجَةَ خَلاصِكَ، وبروحٍ مُنتَدِبَةٍ اعضُدني..
كلمات نطق بيها داود في مزمور ٥١ مزمور توبته عن خطيته
اكتشف إنه الخطية بتسرق حاجات كتير منه في الجملتين دول اللي واضحة
وحافظينها من الآية دي هو "بهجتنا وخلاصنا"
لكن تعالى أقولك اكتشفت إنه الجملة بتاعة: "وبروحٍ مُنتَدِبَةٍ اعضُدني."
جملة فنية وعميقة جدًا وليها معاني كتير أوي شوف الترجمات كده ترجمتها إزاي
وكل ترجمة ركزت على معنى منهم:
“أُردُدْ لي سُرورَ خَلاصِكَ، فيُؤَيِّدَني روحٌ كَريم.” - **اليسوعية‬
“أعِدْ لِي فَرَحِي الأوَّلَ عِنْدَمَا خَلَّصْتَنِي. وَأعْطِنِي رُوحًا مُطِيعَةً.” - المبسطة‬
“رُدَّ لِي بَهْجَتِي بِخَلاصِكَ، وَبِرُوحٍ رَضِيَّةٍ آزِرْنِي” - **الشريف
“رُدَّ لي سُروري بِـخلاصِكَ، وأرسِلْ روحَكَ فتَسنُدني"" - المشتركة
صديقي الخطية مش بتسرق بس فرحنا وبهجتنا،
لكن كمان بتسرق رضانا وبتسرق طاعتنا وبتسرق تأييدنا ودعمنا وسندتنا
عشان كده خلي صلاتك النهاردة يا رب🤲
باتوب عن كل طرق رديّة في حياتي
وكل خطايا ظاهرة أو خفية وعايزك ترد ليّ اللي اتسرق مني:
فرحتي، بهجتي، رضايّ، دعمي، سندتي، طاعتي….
خلي دي طلبتك النهاردة رد لي كل اللي اتسرق مني في اسم يسوع🙏💜