|
 |
 |
 |
|
رقم المشاركة : ( 1 )
08 - 06 - 2018, 08:15 AM
|
|||||||||||
|
|||||||||||
 الناس عايزة تحس بالحب ... عاوزين يحسوا أنهم محبوبين، عاوزين طفل يحبوه عاوزين حب الأب والأم ، عايزين صحاب .. عاوزين أحباب .. عاوزين اهتمامك وانتباهك وحبك واخلاصك وعواطفك .عاوزين المال . عاوزين الأمل وعاوزين بمعنى أدق اللي يقدر يلهيهم عن مشاكل الحياة وتعبها وهمومها وكل واحد وليه طريقته .. هتلاقي اللي بيدور علي حبيب يتكلم معاه ليل ونهار واللي بيدور علي حضن دافي يعوضه وتلاقي اللي يلهي نفسه بالمخدرات و اللي يلهيها بالجنس واللي بيحاول يزرع فكرة ويدافع عنها باستماته يستغل طاقته ومشاعره بطريقة إيجابية .. واللي عاوز يحس بقيمة نفسه بنفسه واللي عاوز يطور نفسه أكثر حتى لو كان راضي باللي هو عليه .. لكن للأسف الشديد محدش بيحاول يعرف أو يدور أو حتي يقتنع بفكرة هو مقصر في أيه .. محدش بيحاول يبص لعيوبه أو نقطة ضعفه حتى لو كانت هي الحاجة اللي تعباه و موقفاه محلك سر وحتي لو كانت سبب فشله .. كل واحد فينا جواه السم اللي بيموت نفسه بيه .. زي السوس اللي بينخر كيانه .. محدش بيطيق العيوب .. محدش بيبص حتى على التمن اللي دفعه لحد ما وصل للمكان اللى هو فيه دلوقتي .. بنمثل العجز علي نفسنا زي راجل عجوز تخين أوي وجسمه كله دهون بيحاول يقنعك أن الجري هو أحسن طريقة علشان يخس .. !! بيقنعك بالحاجة اللي عاجز عنها لانه مش هيقدر يعمل حاجة أكتر من المشي محتاجين نصدق أن اللي عاجزين عنه ملهوش أي تأثير حقيقي علي حياتنا ... محتاجين نبطل نحلل في نفسنا ونبتدي نعيش حياتنا ... أتعس مصير ممكن نقابله هو إدعاء التفكير بشكل مبدع ومنعزل ونبرر مسار حياتنا بأن “الاختلاف عزلة” .. كل واحد فينا عاوز كل اللي عاوزه باقي الناس وأكتر ... حتي القرب من الخالق .. كله عاوز الأحسن .. بس المهم أننا نتقبل فكرة الخروج من القوقعة ... وأكيد هنغلط .. وهنقابل مشاكل ... المهم أنك متسيبهاش تسيطر علي كل ذرة من تكوينك .... 
|
|
08 - 06 - 2018, 10:02 AM
|
رقم المشاركة : ( 2 ) | ||||
|
† Admin Woman †
|
رد: محتاجين نصدق أننا مش عاجزين
وأكيد هنغلط .. وهنقابل مشاكل ...
المهم أنك متسيبهاش تسيطر علي كل ذرة من تكوينك .... صح يا قمر ربنا يباركك حببتي |
||||
|
|
|
08 - 06 - 2018, 10:43 AM
|
رقم المشاركة : ( 3 ) | ||||
|
..::| الإدارة العامة |::..
|
رد: محتاجين نصدق أننا مش عاجزين
ميرسي على مشاركتك الجميلة
ربنا يفرح قلبك |
||||
|
|
|
12 - 06 - 2018, 07:19 AM
|
رقم المشاركة : ( 5 ) | ||||
|
..::| الاشراف العام |::..
|
رد: محتاجين نصدق أننا مش عاجزين
ميرسى لمروركم الغالى
 |
||||
|
|
 |
|
العرض العادي
