الحياة بلا قواعد ...

[Rena Jesus]

الحياة بلا قواعد ...
ضحكوا عليك و فهموك إن الحياة ليها قواعد ... ركز كده حواليك ..... فين القواعد؟!
مفيش قواعد ....... الحياة عبثية و مجرد محاولة وضع أي نوع من ال frames ليها في حد ذاته قمة اللامنطق و الغباء و تضييع الوقت ....

متسمعش كلام حد .... خوض تجربتك بشكل خاص و منفرد ....
متخليش حد يقلك سافر أو متسافرش .... اتجوز عن حب ولا صالونات .... اغفر أو اهجر ... جرب تاني أو بلاش تقرب ..... كمل أو انسحب ..... كل واحد بيعيش تجربته الخاصة ...

احنا مختلفين ... آخر حدود طاقتك هية أول نفس لواحد غيرك .... مشاعرنا مختلفة .... تركيباتنا النفسية مختلفة .... حصيلة تجارب عمرنا مختلفة ... احتياجتنا العاطفية مختلفة .... خوفنا مختلف .... قدرتنا على تحمل عواقب أخطاءنا مختلفة .... أخلاقنا مختلفة ...... مبادئنا الحقيقية الداخلية مختلفة ..... درجة تمسكنا بالحياة مختلفة .... مفاهيمنا عن الاستقرار و الأمان مختلفة ..... قدرتنا على كسر المتعارف و كسر أصنام المجتمع و تحدي الكل مختلفة ..... قدرتنا على الاندماج و التعايش مع المرفوض و شعور اللاانتماء مختلفة ...... ايمان الناس بنفسهم و بأحلامهم و بقدرتهم على التغيير مختلف ..........

متسمعش كلام حد ....... اختار .... عيش تجربتك .... كل تجربة مهما كانت صغيرة بشكل خاص ...... مفيش قواعد للحياة ...... مفيش categories ..... و يمكن دي أكتر حاجة ممكن تجاوبك على سؤالك المتعارف اللي بتسأله لنفسك كل فترة لما بتقابل موقف خارج عن المألوف .... أو بتحس أنك تايه و مش فاهم حاجة ... "" هوة فيه ايه؟؟؟؟" ................ مفيش حاجة ...... أنتة بس كان مضحكوك عليك .....
Welcome to Reality …. Life has no rules


cpd

[walaa farouk]

احنا مختلفين ... آخر حدود طاقتك هية أول نفس لواحد غيرك .... مشاعرنا مختلفة ....
ميرسي على مشاركتك الجميلة رينا

[Mary Naeem]

هوة فيه ايه؟؟؟؟" ................ مفيش حاجة ...... أنتة بس كان مضحكوك عليك .....
Welcome to Reality …. Life has no rules
ربنا يبارك حياتك

[Rena Jesus]

ميرسى لمروركم الغالى