برنامج في حب والدة الاله ج2 الحلقة الثانية

[مورا مرمر]

اعزائى المشاهدين من كل مكان بنرحب بيكم
وبنقولكم كل سنة وانتم طيبين
اهلا بيكم فى الحلقة التانية من الموسم التانى
من برنامج فى حب والدة الاله


خلونا نتكلم عن الفقرات حلقة انهارده


1. ترنيمة

2. تمجيد للعدرا مريم

3. تأملات فى تسبحة العذراء

4. فقرة مشاركة من (عضو) وضيفة الحلقة هي الاستاذة "walaa farouk" خلونا نرحب بيها

5. فقرة لعبة (هتكلم عنها لما تيجى الفقرة)

6.مسابقات

7.رسالة من ام النور

8.اختار هديتك للمسابقات + صورة هدية للكل


انتظرونى بعد الفاصل

[مورا مرمر]

اول فقرة

(ترنيمة امنا ي مريم - للصوت الرائع / جرجس سعد)

كلمات ترنيمة امنا ي مريم

أمنا يا مريمُ قدستك الأممُ
نحن جئناك ابتهالًا طال فيه الألمُ
واشفعي أنت بنا يا خير أم تكرمُ
إننا أهل الخطايا كم عليها نندمُ
واسألي الرب تعالى عفوه قد يرحمُ
ثم يعطينا خلاصًا برضاه نسلمُ
آه يا عذراء زيدي طهر ما لا نعلمُ
نوّري الإيمان فينا واجعلينا ننعمُ

[مورا مرمر]

الفقرة التانية
(تمجيد للعذراء مريم)

[مورا مرمر]

الفقرة الثالثة
(تأملات فى تسبحة العذراء مريم)



انطلقت أليصابات تسبح، وانطلقت العذراء تسبح الله هي أيضًا. لقد تحولت الزيارة إلى مستوى تسبيح ملائكي،
يمجد الله ويعلن أسراره الفائقة. ونلاحظ أن الكتاب لم يقل عن العذراء مريم أنها امتلأت من الروح القدس كما قيل عن أليصابات،
لأن العذراء كانت قد امتلأت وظلت مملوءة، بل الله نفسه في أحشائها متجسدًا. أما أليصابات فحلول الروح القدس عليها كان وقتيًا، وحينما حل عليها تنبأت. ونلاحظ أنه كما كان العصيان والسقوط بامرأة، كان الخلاص بامرأة.

تعظم نفسي الرب= هل يزداد الله ويتعظم بتسبيح بشر؟! حاشا. ولكن إذ نتقدس تزداد صورة الرب بهاءً فينا،
وإذ نخطئ تصغر الصورة وتبهت. مريم هنا ترد تعظيم أليصابات لها إلى الله.

تبتهج روحي بالله مخلصي= فالعذراء تحتاج الخلاص كسائر البشر.

نظر إلى اتضاع أمته= لقد أدركت العذراء سر تمتعها بالنعمة الإلهية ألا وهو الاتضاع.
بينما أن عدو الخير قد خسر مركزه خلال الكبرياء.

جميع الأجيال تطوبني= العذراء أدركت عظم العطية التي نالتها وبسببها تطوبها الأجيال.
وها الكنيسة مملوءة تسابيحًا للعذراء مريم وفقًا لنبوءتها. فهي عذراء تجلى في حياتها عمل الله الخلاصي. نرى فيها نعمة الله الفائقة التي وهبت للبشرية.


صَنَعَ قُوَّةً بِذِرَاعِهِ = الذراع هو إشارة للمسيح يسوع. وكان عمله وفداءه قويًا.

شَتَّتَ الْمُسْتَكْبِرِينَ =المستكبرين هم إبليس وجنوده، واليونان بفلاسفتهم، واليهود غير المؤمنين والرومان
بقوتهم الغاشمة.فإبليس هبط للذل والمسكنة، واليهود تشتتوا في العالم كله.

أَنْزَلَ الأَعِزَّاءَ عَنِ الْكَرَاسِيِّ وَرَفَعَ الْمُتَّضِعِينَ.= الأعزاء من ملائكة أشرار وبشر أنزلهم الله من كبريائهم،
والفريسيون نزلوا من على كراسيهم. ورفع الله المؤمنين وأعطاهم سلطانًا أن يدوسوا الحيات والعقارب (لو19:10).

أَشْبَعَ الْجِيَاعَ خَيْرَاتٍ وَصَرَفَ الأَغْنِيَاءَ فَارِغِينَ = لقد استمتع اليهود قبل المسيح بشبع روحي من ناموس الله وشريعته
والهيكل وسطهم، وبسبب كبريائهم وحسدهم صاروا فارغين إذ رفضوا المسيح.
بينما الأمم الذين كانوا قبلًا فارغين وجياع أشبعهم المسيح إذ آمنوا.

عَضَدَ إِسْرَائِيلَ فَتَاهُ = بإرسال المسيا من نسل اليهود، وإسرائيل هنا ليست إسرائيل المتشامخة الرافضة للمسيح،
بل إسرائيل الروحي الذين هم نسل إبراهيم بالإيمان. وهناك قلة من اليهود قبلوا المسيح. وهناك قلة ستؤمن في الأيام الأخيرة. (عب16:2).

لِيَذْكُرَ رَحْمَةً = الله يذكر رحمته ويذكر مواعيده لإبراهيم. وذكر الرحمة هو أساس الفداء. ونلاحظ في (آية 49) أن العذراء تصف الله بالقدير والقدوس، وفي (آية 50) تصفه بالرحمة. فالقدير من مراحمه تجسد ليفدينا ويشتت الشياطين ويكسرهم.

شرح الكتاب المقدس - العهد الجديد - القمص أنطونيوس فكري

[مورا مرمر]

الفقرة الرابعة
(مشاركة من عضو)

وعضو حلقة انهاردة هي اختنا الغالية

"walaa farouk"

خلونا نرحب بيها

هننتظر مشاركتك فاى وقت

لكن علشان تكون الحلقة متكاملة للكل

هنزل باقى الفقرات فى المشاركات الجاية
بس احنا مش ناسينك هننتظر مشاركتك

[مورا مرمر]

الفقرة الخامسة
(لعبة)


لعبة الحلقة دى عبارة عن ان كل واحد هيذكر لقب من القاب العذراء مريم
وهيقول ليه اتلقبت بالقب دا

انا هبدأ
اللقب ( السماء الثانية )
وهى التى لُقبت بالسماء الثانية لأنه كما أن السماء هى مسكن الله هكذا كانت العذراء مريم أثناء الحمل المقدس مسكنًا لله

اكيد هنتظر مشاركتكم

[مورا مرمر]

الفقرة السادسة
(مسابقة)


ودى اكتر فقرة بصراحة انا بكون متحمسالها جدا جدا
انا معرفش ليه محدش شارك معايا الحلقة اللى فاتت
وهل فى مشكلة فى اللينك ولا شغال معاكم

هنتظر مشاركتكم اكيد المرة دى

المسابقة عبارة عن 5 اسئلة وهيكونوا سهلين جدا متقلقوش
هتخشوا تحطوا اجاباتكم فى الفورم (form) وهتظهر ليكم النتيجة تلقائيا بمجرد ما تعملوا (submit) ارسال
ودا علشان الكل يقدر يشارك من غير مانعرف اجابات بعض والحل هيظهر مع الscore

المسابقة

اضغط هنا

هستنى مشاركتكم كلكم فى المسابقة ومتنسوش تشاركونا الscores بتاعتكم

وعلى فكرة هيكون فى هدايا لكل الناس اللى هتشارك معايا بغض النظر عن الscores

وتقدروا تختاروا هديتكم بنفسكم هتكلم بالتفصيل عنها فى اخر فقرة

*ملحوظة : مش متاح انك تدخل تاني بعد ما تكون عملت ارسال للاجابات

يلا يا ابطال مستنية اجاباتكم

[مورا مرمر]

الفقرة السابعة
(رسالة من ام النور)

رسالة ام النور ليك :
.
.
.
.
.
.
اطمن ابنى هيفرحك
وانا بصلى كتير عشانك

[مورا مرمر]

الفقرة الثامنة والاخيرة
(اختار هديتك + اهداء من البرنامج للكل)

دلوقتى وبعد ما شاركت فى المسابقة تقدر تختار الهدية اللى تحبها
وهنبعتهالك فى رسالة خاصة





ودى اهداء من البرنامج وهدية لكل الزوار اللى بيشوفونا
وبالنسبة لكل الهدايا انا هشاركها فى الحلقة الاخيرة علشان الكل يقدر يستفاد بيها
لكن حاليا هي متاحة للاعضاء اللى هيشاركوا فى المسابقة فقط

وبكدا تكون خلصت حلقة انهارده انتظرونى فى حلقة جديدة من برنامج فى حب والدة الاله ( الموسم التانى )

هستنى كل تعليقاتكم وارائكم ومشاركاتكم فى الحلقة

سعيدة جدا بتقديمى للبرنامج

تقديم وتصميم واعداد
مورا مرمر

عضو الحلقة
ولاء فاروق

[walaa farouk]

الأحزان السبعة والأفراح السبعة في حياة العذراء
أحزان مريم السبعة
1- نبوءة سمعان سيجوز في نفسك سيف (لوقا 2: 33-35)
2- الهروب إلى أرض مصر (متى 3: 13-15)
3- اختفاء يسوع في الهيكل (لوقا 2: 41-52)
4- لقاء يسوع ومريم على درب الصليب (يوحنا 19:17)
5- حزنها أثناء صلب المسيح (يوحنا 19: 25-30)
6- تسليم مريم جسد يسوع (يوحنا 19: 31-37)
7- وضع يسوع في القبر (يوحنا 19: 38-42)
أفراح مريم السبعة
1- البشارة بيسوع (لوقا 1: 26-38)
2- ميلاد المسيح (لوقا 1: 2-7)
3- زيارة المجوس ليسوع (متى 2: 1-12)
4- قيامة المسيح من الموت (يوحنا 20: 1-10)
5- صعود المسيح (لوقا 50- 53:24)
6- حلول الروح القدس على مريم والرسل (أعمال2: 4)
7- صعود جسدها

🌹🌹🌹🌹🌹

🌹🌹🌹🌹🌹🌹



❤️🌹❤️🌹❤️🌹❤️🌹❤️🌹