أول تعليق من ضحية «متحرش المترو» بعد الحكم بحبسه 3ثلاث سنوات
قالت مريم الفتاة التي صورت متحرش المترو، إنها لم تتصور أن يتم القبض عليه ومحاكمته بهذه السرعة.
وأضافت مريم، خلال مداخلة هاتفية مع الإعلامي شريف عامر في برنامج "يحدث في مصر" المذاع عبر فضائية "إم بي سي مصر": "المحامي قال إنه أخذ 3 سنين، أنا مكنتش مستوعبة إمتى حصل كل ده، ومحضرتش المحكمة، وكنت خايفة ومرعوبة".
وأردفت مريم: "أول مرة أتحط في الموقف ده، لكن بشوفه كل يوم في الشارع مع بنات تانية، المنظر كان مرعب وخايفة يحصل أكثر من كده، الله أعلم لو المرة الجاية كنت لوحدي، أو لو بنت غيري كان عمل إيه".
وحكت مريم كواليس الواقعة، قائلة: "كنت بكلم خطيبي واتس، وفجأة لقيته بيعمل كده، خفت ومكنتش عارفة اتصل على والدي لأنه مصاب قلب وبعيد عني، اتصلت بخطيبي قال لي صوريه، وأنا خفت ياخد باله من الموبايل، حطيت التليفون على ودني كأني بتكلم، وكان فيه انعكاس الموبايل على الزجاج فأنا كنت خايفة ومقدرتش أصور غير ثواني".
24 - 03 - 2021, 10:58 AM
العرض المتطور