افتقدني بخلاصك

[walaa farouk]

هو يوم زي اي يوم مفروض اتوب فيه
بس يمكن الله صانع عام جديد علشان نستغل الفرصه واحس ان لازم ابتدي صح
اذاي استغل يوم زي ده
1)راجع نفسك لو انت جارح حد ماتكبرش وقوله اخطيت في حقك.
2)لو انت مجروح من حد ربنا مش طالب منك تدوس علي نفسك
وتعتذر لانك مغلطش لكن طالب منك لو جه اللي جرحك اعتذرلك اقبل الاعتذار
3)راجع امانتك مع عيلتك مع افراد اسرتك.. بتسأل عليهم.. مهتم بيهم.. مهتم باخواتك؟ ..
بار بوالديك؟ امين مع زوجتك؟ امينه مع زوجك؟ امين في تربيه ولادك؟ راجع الامانه
4)ضعفاتك واصله لحد فين. في حاجات لازم تتقطع من الجذور حتي لو هاتوجعك.
لازم اقول لنفسي كفايا. كفايا اللي بعمله في نفسي.
كفايا اني برمي نفسي جوه حضن ابليس يوميا.. جاهد. جاهد.. جاهد.. جاهد وماتيأسش ابدا
5)راجع خدمتك لو انت خادم في اي منصب راجع خدمتك.
وخدمتك هي قلبك. يا ترى بتخدم بقلب. ولا بتخدم بمعلوماتك.
ولا بتخدم منظر وشكل.. راجع طريقه خدمتك.
راجع امانتك في تسليم ولادك الفكر الصح. راجع حضنك.
يا تري انا امين في حضني لولاد ربنا ولالا؟
6)راجع نفسك في حياتك يا تري ادانت كام واحد..
ياتري اتكلمت علي كام واحد. وبعدها خدمت و وعظت واتناولت عادي
خلي انهارده يوم مختلف مش علشان رأس السنه بس لان الايام مابقاش فيها وقت كتير
استني فيها علي نفسي وانا مشوه روحي بكل ده
ماتخليش وجودك انهارده في الكنيسه لبس احمر وطراطير وأشكال وتصوير.
خليه واقفه مع النفس اللي اتاهت واتدمرت بسبب بشاعه الايام اللي فاتت.
جرحت نفسي وناس جرحوني
بتمني تكون السنه دي سنه في امانه حقيقيه
.بتمني تكون صلوتنا انهارده في الكنيسه هي افتقدنا_بخلاصك
قوله افتقدني يارب لاني حقيقي تايه ونفسي ارجع
اللي شوفناه الايام اللي فاتت بيقول حاجه واحده بس
. ان خلاص انتهت ومحتاج انهيي كل حاجه في حضنك. ساعدني
افتقدني_بخلاصك

[Mary Naeem]

موضوع فى غاية الروعة
ربنا يفرح قلبك

[walaa farouk]

ميرسي على مرورك الغالى