لكل يوم زوّادة: الحرب : 21 / 8 / 2021 /

[souad jaalouk]

لكل يوم زوّادة: الحرب

الحرب مش دايمًا سلاح و قواص، الحرب مش عاطول بين الأعداء...اوقات كتير الحرب بتكون بينك و بين حالك! ايه انت لحالك! بس تفكّر اذا بتصرخ او بتسكت هيدي حرب. بس تفكّر اذا بتعمل قناعتك او مصلحتك هيدي حرب. بس تكون عم تفكّر بتهاجر او بتبقى هيدي حرب. بس تكون عم تفكّر اذا بتخاطر و بتلحق حلمك عا حساب نوع من الأمان عندك ياه هيدي حرب. بس عقلك و المنطق يمشو عكس قلبك هيدي حرب. بس تحسّ انّك مخنوق بس مجبور تبتسم هيدي حرب. بس تكون فاقد الأمل بس عم تضلّ تجرّب هيدي حرب. بس تكون تعبان من كل شي و لازم تضلّ قوي تا تسند غيرك هيدي حرب... شو هالجبهة اللي ما بتهدا نحنا! ما في إلّا يسوع المسيح مصدر السلام هوّي اللي ليلة ميلادو منرتّل: ليلة الميلاد تدفن الحرب...كيف لأ و هوّي ملك الحب و الأمل و الرجا...يا رب ازرع سلامك فينا و انشرو حولنا...آمين

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب

[بنت معلم الاجيال]

ربنا يعوض تعبك