الكلام ده يمكن مش لاى واحدة ومش لكل البنات او الستات اللى بيتابعوا الموضوع ده موجهه ..للى اتسابت فى نص طريقها من شريك العمر وغصب عنه مشى ..للى استنت وصبرت على اوقات صعبه مترجيه فيها انه يرجعلها ويقوم يكمل معها المشوار لكن مرجعش وغصب عنه مشى ...للى صحيت من نومها لقيت اللى اختارته من بين كل الناس يكمل قلبها بقى ذكرى اتحفر جوه كل كيانها..حفرته مش سنين اد ما حفرته لحظات البعد والوجع والاشتياق ...للى طول اليوم بتبين انها من حديد لكن يجى عليها الليل وصرخات مكتومة متوجعه الفراق ومشتاقة للقلب قبل الحضن اللى كان بيحتوى كل تفاصيل كيانها وقت النوم واللى بقى مش موجود وغصب عنه مشى ...للزوجة اللى فقدت الصاحب والاب والابن والحبيب والونيس والسكن والسند والمعين والحماية ..للى فقدت يمكن مقدرش دلوقتى اقول شريك العمر" لكن..هو "العمر" ...مهما حاولوا كل اللى حواليكى يطبطوا ويحضنوا نارك .. هما اعجز من ان يفهموا او يحتوى جمر النار اللى جواكى ..حتى اللى عاش وجعك كل واحد ليه وجعه وتجربته الشخصية ..يمكن انا معنديش حل او ضمان بس عندى شخص صالح لكل الاوقات و ساند لكل قلب متوجع ومطروح ..شخص معاكى جوه نارك ..يمكن مش بيتكلم دلوقت اد ما بيطبطب وبيحضن وبيعيط معاكى .. عارف ان غياب الغاليين بيوجوع اووى ماهو مجربه ..معاكى "بابا" الله صدقينى هو مش ضددك ده ف صفك بقى شخصيا شايل شيلتك..همه هو حزنك ...وجعه ف كسرة قلبك ...مفيش اقرب منه هيفهم المشاعراللى الكلمات مش بتعرف تترجمها ..مش بيقولك متعيطيش ولا تصرخى بس تعالى اصرخى واتوجعى جوه حضنه سبيه هو اللى يهديكى ويملاكى باللى هو بس بيعرف يديه ويعرف يكمل معاكى العمر ساندك ومقويكى .... ادخلى جوه سندك وحمايتك وضهرك واللى صوت صرختك المكتومة مسموع صداها جوه قلبه ..ادخلى جوه اللى عمره ماهيمشى غصب عنه .ويسيبك ..ادخلى جوه .."بابا" الله
03 - 09 - 2016, 12:48 PM
العرض الشجري