يا ثانوية عامه : خلى دى صلاتك الفترة اللى جاية 😃

[walaa farouk]

اذْكُرْ لِي يَا إِلهِي لِلْخَيْرِ كُلَّ مَا عَمِلْتُ .
( سفر نحميا 19:5 )
يا_ثانوية_عامه 😃 : خلى دى صلاتك الفترة اللى جاية 😃
افتكر يارب كل ضغط نفسى عدى عليا -
كل درس نزلته وانا ماعنديش طاقه -
كل حاجه حرمت نفسى منها عشان مضيعش وقت -
كل تعب عدى على ابويا وامى عشان يوفروا ثمن الدرس
.... الخ من الأتعاب والمشاعر و دمعات العيون😭

فى الوقت الحالى :- كل احلامنا اللى جاية وتطلعاتنا
وطموحات اهلنا وحبايبنا مش هينفع تكون محور التركيز والاهتمام ..
ببساطة 🤌 :- دلوقتى يا هذاكر واخلص اللى ورايا يا هفضل افكر لو مدخلتش الكلية دى هايحصل ايه و بابا هيزعل ازاى
وماما هتحس بأيه ( كم العواطف دى كفيلة جداً أنها تخلينى
اقفل كل كتاب ومعلومه قدامى واقضيها عياط وانهيار عصبى ) 😉
كل المشاعر السلبية تركن على جنب 🙏

تعامل مع الموقف ده ببساطة جداً ( لأنه بسيط )
ورقة امتحانك هى ورقة عادية جداً زيها زى ورقة اولى إعدادى
وسادسه ابتدائى فاكرها طبعاً .. ماتكبرش الموضوع ..
بس بردو ماتستهترش😉😂

شايف الآية اللى فوق خالص دى ☝️
عاوز اطمنك بحاجه : ربنا مش نساى ..
فاكرلك كل وقت تعب ومجهود حتى ولو مكانش كبير ..
فماتخافش ومتخافيش ♥️

وانت بتقرأ كلامى اللى فات هتقول ده بيتكلم عن الناس اللى تعبت
.. اما انا فمبذلتش مجهود .. وضيعت وقت كتير .
. وماعنديش اى فرص ......
أبسلوتلى 😂 كلامى بردو ليك ✋
شوف يا سيدى : تقول لنفسك فى ناس فى الكتاب المقدس
اشتغلت النهار كله وخدت جنيه وفى ناس وصلوا الساعه ١١ بليل
واشتغلوا بردو واخدوا نفس الجنيه
( اللى هما لو بتقرأ كتاب مقدس اسمهم أصحاب الساعة الحادية عشر &#128521
يعنى لو باقى ساعة على الامتحانات يبقى لسه الوقت فى صالحك .
. اااااه صدقنى زى مابقولك كده 😃😂😊😍

خلينى اقولك : هتعدى وهتفتكر يا حبيبى الايام دى
بعد كده وهتقول يااااااااه كانت ايام جميلة 😍😊
( مش مصدق طبعا .. بكره تشوف 😉 )

خلينى فى الآخر اقولك :
اطمن من ناحية كل تفكير بيجيلك علشان المستقبل
.. انت ومستقبلك وحياتك الجاية كل ده متأمن تماماً .
. انت محاط بدايرة من الأمن والضمان الأبدى ✋😍✊
احفظ معايا الأيه اللى جايه دى وحط نفسك واسمك فيها :-
"وَجَدَهُ فِي أَرْضِ قَفْرٍ (ارض الثانوية العامة)
، وَفِي خَلاَءٍ مُسْتَوْحِشٍ خَرِبٍ (مشاعر خوف ويأس وإحباطات).
أَحَاطَ بِهِ (حط اسمك هنا❤️)
وَلاَحَظَهُ وَصَانَهُ كَحَدَقَةِ عَيْنِهِ." (تث 32: 10).

خير_كتير_بنعمة_ربنا_ماتخافش 😍😃♥️