💫1- بلاش الكلام علي علاقاتك السابقه وانتي معاه حتي لو كان قصدك انك توطدي ثقته فيكي او انك تبقي صريحه معاه لان ده بيوصل للراجل انك لسه متاثره بقصه الحب دي او ان الراجل ده واخد حيز من تفكيرك فبلاااش كده
💚2- انك تبقي قالبه علي راجل هههههههه يعني بلاش تعلي صوتك وتتكلمي بخشووونه وتهزري هزار البوابين والحاجات دي لانك المفروض بنت مكتمله الانوثه عشان ميحسش انك واحد صحبه
💛3- بلاش يبقي عندك لامبالاه يعني انك مبتهتميش بنفسك ولا بيه ولا بمستقبلكوا مع بعض ولا بالكلام اللي بيقوله ,, يعني مثلا متبقوش قاعدين سوا وهوا بيتكلم وانتي فاتحه الموبايل وشغاله بقي ع الواتس والفيس وكده وهوا قاعد بيتكلم دي حاجه مش ممتعه خالص
💙4- ديما تحاولي توصللي للنقطه اللي عايزك توصللها بمعني ايه ؟؟؟؟
اقولك : يعني مثلا لما يقولك حاجه دمها خفيف ابتسمي ,,,, او لو كان بيحيلك علي مغامراته بقي وكده اندهشي مثلا يعني لازم يكون ليكي رد فعل علي كلامه ,,,, كده هيحس انك معاه علي الخط ديما
💜5- بلاش افوره في كل حاجه سواء الميكب او طريقه ضحكك او هزارك ولا في اتصالك بيه يعني بلااااش تتصلي بيه 500 مره في اليوووم اتقلي
💢وبرضوا بلاش زن كتييييييييييييير لان دي حاجه ممله جدا للراجل وبلاش نكد يعني بلاش ديما يكون 99% من كلامك عن مشاكل وهم سواء في شغلك او مع اصحابك وخلافه
💟6- برضوا حاجه ممكن تقفله منك انك تكوني ديما عايزه تغيريه او تغيري اسلوب حياتك لانه مش عجبك حاولي تستمتعي بحياته اللي هوا عايشها
💞7- بلاش تبقي عامله فيها ابو العريف يعني بلاش فزلكه لان الرجاله عايزه ديما البنت اللي تحتاجلهم ومحتاجه لمساعدتهم وانهم ديما مكملينك فمتعمليش نفسك فاهمه كل حاجه حتي لو انتي فعلا فاهمه ........
💞8- لازم تكوني بنوته ,,,, يعني لازم تكوني بتعرفي تلبسي وتحطي الميكب بشكل حلو وازاي تكوني بتعرفي تتكلمي وتقعدي وتشربي .... وهكذا يعني من الاخر تكوني شبه فاتن حمامه كده مش في الشكل ولكن في انوثتها ورقتهااااااااااا
وربنا يسعد كل بنوته ياااااااااارب
