ينفع تتعاش

[walaa farouk]

في الحقيقة اللي بيخلي الحق
اللي موجود في الكتاب المُقدس مختلف
وقوي عن أي كتاب تاني ممكن نقراه مهما كان قَيم
وعظيم هو اللي ذكره الوحي برضه
عن الكتاب المقدس لما قال:
لأَنَّ كَلِمَةَ اللهِ حَيَّةٌ وَفَعَّالَةٌ وَأَمْضَى مِنْ كُلِّ سَيْفٍ ذِي حَدَّيْنِ،
وَخَارِقَةٌ إِلَى مَفْرَقِ النَّفْسِ وَالرُّوحِ وَالْمَفَاصِلِ وَالْمِخَاخِ،
وَمُمَيِّزَةٌ أَفْكَارَ الْقَلْبِ وَنِيَّاتِهِ." (عب 4: 12).
ببساطة قرايتنا لكلمة الله هتفتح عيوننا إزاي هي حية!
وإزاي ينفع تتحقق وتتجسد في حياتنا وحياة اللي حوالينا
ومع الوقت الحق اللي موجود في الكتاب المقدس
هيوصل لأعماقنا ويغَيرنا ويجدد أفكارنا
وينقي دوافعنا ويقربنا من شبه المسيح
ومن فكر المسيح زي ما بيقول بولس الرسول
وَأَمَّا نَحْنُ فَلَنَا فِكْرُ الْمَسِيحِ." (1 كو 2: 16)
اللي هو أهم وأغلى هدف في حياتنا على الأرض