خادم من الخدام فى احدى القرى كان بيحب الناس تمدحه على عمل الخير والرحمة قام فى يوم بدرى وقال لمراته نقومه تجهزله فرخة كبيرة عشان هيوديها لحد محتاج وفعلا مراته قامت اختارتله فرخى كبيرة وحطتها فى قفص وادتهاله..
الخادم قطع مسافة كبيرة اوى عشان يوصل الفرخة دى للفقير..
لكن فؤجى بانه قبل ما يدخل البيت بكام متر بس انه الفرخة ماتت فاتغاظ اوى ازاى يقطع كل المسافة دى عشان يعمل عمل خير وميتمش..
فصلى لربنا وقال ليه ..
فجاله صوت بيقوله انت قطعت مسافة كبيرة عشان توصل الفرخة دى لحد محتاج بالرغم من انه اخوك فى البيت اللى لاصق فى بيتك انت عارف انه كان محتاجها ..
احياناً بنقطع مسافات طويلة واحنا جنبنا مسافات اقرب ..
قبل ما تنزل تخدم شوف اهلك ..
ساعد والديك قبل ما تنزل خدمتك..
ساعدى والدتك فى شغل البيت قبل ما تنزلى تشرحى..
لو عندك حد مريض محتاج لرعاية مينفعش تسيبه وتنزل تخدم وهو محتاجك جنبه..
الخدمة الحقيقية بتبدأ من بيتك واللى حواليك
تأليف كيرلس وديع
