المسيح موجود إذن الرجاء موجود

[walaa farouk]

أقولكم علي حاجة بصراحة
كل أما أحس باليأس من نفسي و من ضعفي
.. أفتكر بسرعة شخص المسيح ألاقي مفيش أي مكان لليأس
.. لإن المسيح موجود إذن الرجاء موجود

أشوف مشهد وهما بيجيبوله واحدة ممسوكة في الخطية
و جايبين معاهم حق بالإعدام حسب شريعة موسي
و إن مثل هذه ترجم
و المسيح يديها براءة
و يقولها يلا نبدأ بداية جديدة

يضيع منه خروف يسيب ال ٩٩
ويقول هروح ادور عليه لحد ما اجمعه
ده مهم عندي جداً ، ومس هسكت غير لما أجيبه للحظيرة

يقابل واحد س فاح و م ج ر م
يقوله أنا مش جاي أنتقم منك
أنا هحول غيرتك الشديدة علي الشريعة
إنك تبقي أكبر كارز بمحبتي للبشر

مش بس البشر
حتي بواقي الاكل بعد معجزة الخمس خبزات
يقول إجمعوها ليها عندي إستخدام
دول شوية كسر يارب !!
يقول مش بضيع حاجة
كل حاجة عندي ليها قيمة و إستخدام

ياااه يارب أنت عجيب
عجيبة محبتك عجيبة إيجابيتك عجيب رجائك

إزاي بعد ده كله ممكن الإنسان ييأس
إنت مخلتش لليأس مكان ولا وجود

مستحيل حد يطلبك أو حتي يفكر فيك
وميلاقيش غير رجاء و أمل

اَلرَّبُّ حَنَّانٌ وَرَحِيمٌ، طَوِيلُ الرُّوحِ وَكَثِيرُ الرَّحْمَةِ.
الرَّبُّ صَالِحٌ لِلْكُلِّ، وَمَرَاحِمُهُ عَلَى كُلِّ أَعْمَالِهِ.
اَلرَّبُّ عَاضِدٌ كُلَّ السَّاقِطِينَ، وَمُقَوِّمٌ كُلَّ الْمُنْحَنِينَ.
أَعْيُنُ الْكُلِّ إِيَّاكَ تَتَرَجَّى، وَأَنْتَ تُعْطِيهِمْ طَعَامَهُمْ فِي حِينِهِ.
تَفْتَحُ يَدَكَ فَتُشْبعُ كُلَّ حَيٍّ رِضًى.
الرَّبُّ بَارٌّ فِي كُلِّ طُرُقِهِ، وَرَحِيمٌ فِي كُلِّ أَعْمَالِهِ.
الرَّبُّ قَرِيبٌ لِكُلِّ الَّذِينَ يَدْعُونَهُ، الَّذِينَ يَدْعُونَهُ بِالْحَقِّ.

( مزمور ١٤٥ )