زوادة اليوم : صديق الكل يسوع المسيح

[souad jaalouk]

زوّادة اليوم:
بيخبرو عن صبي زغير مهضوم كتير و بالمدرسة اصحاب مع الكل بيضحك للكل و بيسلّم عالكل. بالصف عملت المعلمة نهار مميّز اسمو: يوم افضل صديق، بهاليوم كل واحد بيجيب هديّة لصديقو المفضّل. هالصبي كان متوقّع يطلعلو هدايا كتير لأنّو الكل بيحبّو. بس تفاجأ انّو ما طلعلو ولا هديّة!! بكي كل النهار و زعل كتير. راح عالبيت خبّر امّو انّو كان مفكّر الكل اصحابو و طلع غلطان!الأم فسّرتلو انّو تا تكون صديق حدا المفضّل و الحقيقي لازم تعطيه كتير من وقتك و تكون حدّو بالإيّام الحلوين و البشعين و تساعدو و تفهمو و توثق فيه و يوثق فيك و تحبّو متل ما هوّي بحسناتو و سيّئاتو ، معو بتكون انت عا طبيعتك بدون ما تحسب كل كلمة، ما فيك يكونو الكل اصدقائك المفضّلين لأنّو ما في وقت حتّى تعطي الكل حقّن من دعم و اهتمام، كرمال هيك مضطر تختار كم صديق مقرّبين و الباقيين بيكونو رفقاتك. الزوّادة اليوم بتقلّك انّو مش كل حدا ضحكلك و قلّك حكي حلو بيكون صديقك الحقيقي! الوحيد اللّي صديق الكل هوّي يسوع المسيح! الله معكن

[Ramez5]

فعلاً عندك حق
ميرسى لمشاركتك المثمرة

[Mary Naeem]

انّو مش كل حدا ضحكلك و قلّك حكي حلو بيكون صديقك الحقيقي! الوحيد اللّي صديق الكل هوّي يسوع المسيح! الله معكن

صح يا قمر
ربنا يباركك حببتي

[اوفا]

صح جدااااا

[walaa farouk]

كلام صح جدا
ربنا يبارك تعبك