|
 |
 |
 |
|
رقم المشاركة : ( 1 )
02 - 09 - 2024, 03:58 PM
|
|||||||||||
|
|||||||||||
 اختطاف طفل فى ظروف غامضه .. الحكايه بدات يوم ٢٠ يناير سنه ١٩٤٥ , كان فى طفل اسمه عادل عمره حوالى ١٠سنين ، والده متوفى ووالدته هى اللى بتشتغل وبتصرف على البيت ، فى يوم والدته تعبت جدا جدا ، كان يوميها الطب مش متقدم وكان العلاج بالوصفات ... بعد ما والدته تعبت وصل بيهم الحال انه كان ياكل وجبه واحده فى اليوم اللى كانت عباره عن كسرة رغيف عيش ناشف وبصله وملح .. عادل نزل يشتغل مكان والدته عشان يعرف يصرف على علاجها وعليها كانت شغلانته انه يشتغل يطلع كل يوم يملا مايه الزير للبيوت .. عادل كان طفل متدين جدا ومؤمن جدا انه بيكلم ربنا وربنا بيكلمه فى صلاته كل يوم .. وفي يزم عادل راح الشغل ومارجعش ... غاب يومين ورجع ولما رجع ، كان معاه زجاجه فيها علاج وقال لوالدته اشربيه وهاتخفى على طول ، شربت والدته العلاج ونامت ، صحيت تانى يوم وكأنها مافيهاش اى حاجه ولا كأنها تعبانه خالص .. ايه بقى اللى حصل لعادل وكان غايب فين وايه قصة زجاجة الدوا دى ، هاقولك انا ياسيدى .. عادل كان دايما يروح يملا الزير لراجل عجوز جدا مابيقدرش حتى يقوم يشرب ، كان يروح يملا الزير ويخبط على الباب بيته خبطتين عشان يعرف ان الزير اتملا ومايمشيش غير لما الراجل يخبطله على الشباك من جوا بعصاية عكازه عشان يطمن عليه انه صاحى ... اليوم اللى غاب فيه عادل ملا فيه الزير وخبط خبطتين لكن الراجل ماردش الخبطه .. اللى دفع فضول عادل انه يزق الباب ويدخل عشان يطمن على الراجل لكن هنا حصلت حاجه غريبه جدااا .. دخل لقى نور عظيم جداااا ، وبخور ريحتها طيبه قوى قوى حوالين الراجل وهو نايم فى سرير .. قرب عادل من الراجل ومسك ايديه ، لقاها دافيه قوى , فضل عادل يصحى فيه ويزقه عشان يصحى لغايه ما حس بحراره شديده جات من وراه .. بص لقى ملاك عظيم جدا ، ابيض ساطع البياض ، عادل بيقول ماكنش قادر يبص لوشه ، له حوالى ستة اجنحه ، الجناح الواحد طوله من الارض للسقف .. خاف عادل خوف شديد جدا لدرجه انه حاول يهرب لكن الملاك كان سادد الباب .. وهنا عادل اغمى عليه وحلم ان ربنا جاله وعطاله زجاجة الدوا دى وقاله ارجع بيتك واديها لوالدتك وهى هاتقوم على طول .. فاق عادل لقى الزجاجه جنبه على الارض ، خده وجرى على البيت .. عادل بيقول ان اللى شافه ده كان بالنسباله وقت قليل جدا مايتعداش النص ساعه لكن الحقيقه عادل غاب حوالى يومين ... 
|
 |
|
العرض العادي
