أشكال

[katy sn]

دايره بتحب شكلها بس مش عاوزة تبقي لوحدها شايفه أنها لو كانت مع أشكال تاني هيكون أفضل



عجبــها النجمة الخماسيه أوي ليها 5أطرافها حادة بتقدر تتحرك بسرعة وببطئ بتغير واقفتها , بتعرف تقف علي كل حد شوية انبسطت أوي منها بسس

واستحملت أزعجها

كمان

حاولت تقلدها بس معرفتش وبسرعة قررت أنها تبعد وتسبها



سابت الدايرة النجمة وجريت لغاية ماوصلت جنب المربع يا سلااااام أد أيه شكله جميل منظم وأنيق طولة زي عرضة وليييه هيــبة كدة ركزت شوية معاه وف;فكرت تنط عالي عشان تدخل جواه بس معرفتش كمان مع مرور الوقت مللت من هدوء المربع , فجريت بعــــيد وخبطت في المثلث مكنتش معجبه بيه بس عادي اهو شكل يونسها وقفت تتفرج علي حركاته كان بيتحرك ببطئ و كل شوية يقف علي طرف ,واقفت تتفرج عليه مدة طويلة مكنش مضيقها بطئه لأنها كانت شايفاه أن شكلو بيدي كذا شكل, فممكن يدي شكل مسدس, هرم وكمان رأس سمكة فمكنتش مركزة علي هو أيه أو ايه ال بيعملة ولكن سرحت في ال كانت عاوزة تشوفة رغم أن أصله مجرد مثلث و كل الأشكال ال شافتها دي أشكال في خيلها مش أكتر, ولما فاقت من سرحتها سابته وجريت خبطت في أسطوانه



وقالت" ايوة بقي هو دي الشكل ال عاوز ألاقيه من بدري وهتليق عليا جدا دي حتي شكل الكوبايه يعني ينفع انط وادخل جواه وتشيلني ونفضل مع بعض علي طول ووهي سرحانة بتفكر



لقت الأسطوانة عماله تنط ومش سابته في مكان شويه مع المثلث وشويه مع المربع فـفـتكـرت أن الأسطوانة فرحانة شوية يمكن, ماعيلنا ..."أنا صاحبتها ومينفعش تكون لووحدها وهي مبسوطة وفعلا فضلت تلف الدايرة ورا الأسطوانة في كل مكان . لغاية ماتعبت من التنطيط وقالت لا لا انا مش قدها أه انا بنط بس مش كدة انا تعبت جدا وفجأه وهي مشية خبطتط فيها دايرة كبيرة جدا مهتمتش الدايرة الصغيره بفرق الأحجام لكنها كانت مبسوطة أوي عشان نفس الشكل, أي أيه دي, .... دي كان صوت الدايرة الصغيرة لما خبتطها الدايرة الكبيرة لتاني مرة من أول ماشفتها وهي بتلف من غير ماتقصد أعتزرت الدايرة الكبيرة للدايرة الصغيرة



وطبعا بسرعة ردت الدايرة الصغيرة لا لا ولا يهمك محصلش حاجة رغم أن الخبطة كانت شديدة علي الدايرة الصغيرة بس مردتش توضح خالص أنه متألمه من شدة الخبطة



رغم ان الدايرة الكبيرة قالت لها انا هاخد بالي بعد كدة عشان مش مخبتطكيش تاني و أنا بلف



ولكن أتكررت الخبطة مرة واتنين وكتير ....... ,ماهي بردةغصب عنها هي متعرفش تلف غير بحجم واسع



وأخيرا شافت الدايرة الصغيرة أنها مش هينفع تفضل مع الدايرة الكبيرة لأنها ببساطة مع كتر الخبط أكيد هيتغير شكلها يعني مش هتفضل دايرة صغيرة جايز تبقي شكل تاني محدش يعرفه ,




أه كانو شكلهم واحد لكن حجمهم مختلف أه كانت في بينهم حاجات مشتركه بس متفقوش



مش لازم نكون زي بعض بس لازم نكمل بعض



مش لازم نكون متشابهين بس علي الاقل نكون متصالحين

[Ebn Barbara]

تسلم ايدك بجد للتوبك الرائع ده
ربنا يباركك

[kamel]

للدنيا وجوة كثير متعددة وكذلك البشر
الكل يحمل داخلة أصداف ولكل صدفة داخلها كنزها
فلا تعرف قيمة كل منها إلا بعد فتحها
وهاكذا الدنيا تسير كسفينة تحمل ركابها وسط أمواج الحياة
شكرا لكلماتك وموضوعكم المميز
الرب يباركم ويبارك وزنتكم

[katy sn]

شكرا ليكم ولمتابعتكم ربنا معاكم

[Mary Naeem]

كلمات رائعة جدا يا قمراية
بجد تحفة
تعيشي وتكتبي يا قمر

[katy sn]

thxxxxxxxxxxxxxxxxxxxxxxxxxx