|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
رقم المشاركة : ( 1 )
11 - 11 - 2015, 04:29 PM
|
|||||||||||
|
|||||||||||
|
صلاح هلال في تحقيقات «فساد الزراعة» مرتبي «حاجة وثلاثين ألف جنيه».. وقابلت «فودة» ثلاث مرات
 نشر «الوطن» نص تحقيقات نيابة أمن الدولة في القضية المعروفة إعلاميا بـ«فساد وزارة الزراعة»، المتهم فيها وزير الزراعة السابق صلاح هلال، المحبوس على ذمة التحقيق، و3 آخرين. كانت هيئة الرقابة الإدارية ألقت القبض على هلال في ميدان التحرير عقب خروجه من مجلس الوزراء، في وجود المستشار تامر الفرجاني المحامي العام الأول لنيابة أمن الدولة العليا؛ لاتهامه ومدير مكتبه محيي قدح، بالحصول على رشوة عبارة عن فيلا بالقاهرة الجديدة و16 رحلة حج وصيدلية لابنته، مقابل تسهيل تقنين إجراءات وضع يد رجل الأعمال أيمن الجميل، على 2500 فدان بوادي النطرون، على سبيل الرشوة بوساطة من المتهم محمد فودة.. وإلى نص التحقيقات. س: ما هى علاقتك بالمتهم محمد فودة؟ج: علاقتى به بدأت لما جه لى وأنا رئيس قطاع شئون مكتب الوزير وعرفنى بنفسه إن هو كاتب صحفى ومسئول عن تغطية الأخبر فى جريدة الوطنى واليوم السابع واللى كان جايبه لى محيى ولما اتعينت وزير جه لى هو ومستثمر أيمن رفعت الجميل وكان برضه جايبه لى محيى وكانوا رفعت الجميل وكان برضه جايبه لى محيى وكانوا جايين علشان يهنئونى بالمنصب ودار ما بينى وبين أيمن حوار حول إنشاء معامل متطورة تكون بالموانئ وتكون خاضعة للحجر الزراعى وأنا كلمته عن استيراد الأسمدة ؟؟؟ فى استخدامها ؟؟؟ داخلين على الموسم الصيفى وبعد كده كان محمد فودة بيتردد على محيى فى الوزارة وجولى المكتب وكان بيتحدث محيى عن موضوع إسراع إجراءات تقنين وضع اليد لشركة كايرو ثرى آى.س: هل تقابلت مع سالف الذكر خارج ديوان الوزارة؟ ج: أيوة.س: كم عدد المرات التى تقابلت معه خارج ديوان الوزارة؟ ج: تقريباً ثلاث مرات.س: ومتى وأين كان أول لقاء منهم؟ ج: أول مرة كانت فى فندق الفورسيزون وده كان عندى لقاء عمل وهناك اتقابلت معاه وكان معايا محيى واتعشينا مع بعض وده لأن أنا كنت فى انتظار المستشار عدلى حسين محافظ القليوبية الحالى لأ كان فى موضوعات فى الوزارة متعلقة بالعمل فى الوزارة وكنت فى انتظارهم لما يخلصوا عملهم وفى الوقت ده اتعشينا أنا ومحمد فودة ومحيى مع بعض. س: ما هى الحوارات التى دارت بينك وبين المتهم محمد فودة ومحيى قدح فى هذا اللقاء؟ ج: محمد فودة كان بيكلم معانا على الإسراء فى إنهاء إجراءات تقنين وضع اليد لشركة كايرو ثرى آى لمساحة 2500 فدان بطريق وادى النطرون وانا قلت له أن الإجراءات القانونية تتبع فى هذا الشأن وبعدين كنا بنتعشى وأثناء الدردشة العادية محيى كان مكلمه عليا قال لمحمد فودة إن الدكتور صلاح اللى هو أنا بيدور على شقة لابنه أو فيللا أو أرض محمد فودة قالى عندنا فى بالم هيلز وقالى عندنا كمان فى الشيخ زايد فأنا قلت له أنا عايز حاجة رخيصة مثلا فيللا دورين كل دور شقة ويكونوا منفصلين أو حتى أرض صغيرة وابنى عليها واعمل فيها صيدلية لابنتى وهو قالى ده موجود وده موجود فأنا قلت له لو موجود اتفرج عليهم وادفع مقدمة مثلا 500 أو 600 ألف وقسط الباقى وهو قالى ماشى وبعد كده وفى الحوار ده اتكلمت على أن احنا عاوزين نحجج أم محيى فهو قالى وماله وقلت له ان انى عاوز أحجج أخويا واختى واحتمال نطلع نحج كلنا سوا أنا وزوجتى وبنتى واخويا الأصم الأبكم وبنتى وزوجها ومحيى ومراته وووالده ووالدته وأنى قلت ل أنا هابعت السفارة ومحيى هيرتب اللقاء ده فهو قالى دى حاجة كويسة وممكن نساعدكم هناك وأنا كمان احتمال اطلع فأنا قلت له أنا حجيت أنا ومراتى وبنتى بس علشان أخويا الأصم وقلت تبقى أختى معاه وجوزها وقلت لو طلعنا كلنا والظروف سمحت يطلع يحج وهو قالى ؟؟؟؟ أنا لو فى حاجة أنا هارتبها مع محيى وفعلاً أنا اديت الجوازات لمحيى وماتبعتش معاه إيه اللى حصل وتقريباً انتهى اللقاء على كده وكان جه المستشار عدلى محافظ القليوبية وقلت على الموضوع المتعلق بالوزارة وفى القاعدة دى هو قعد على جنب مع محافظ القليوبية لأن هما يعرفوا بعض وقعدت أنا والمستشار عدلى حسين علشان نشوف موضوع القوانين عندى فى الوزارة لأن أنى كنت عاوز أراجع القوانين اللى بتنظم الوزارة لأنها قديمة وكنت بارتبها مع المستشار عدلى حسين وكنت باعرض عليه وطرحت عليه رئاسة اتحاد منتجى ومصدرى الحاصلات الزراعية باعتباره عضو فى الشراكة الأوروبية وأن اتحاد ومنتجى ومصدرى الحاصلات الزراعية مسئول عن تصدير واستيراد الحاصلات الزراعية كالموالح واستيراد البطاطس من أوروبا. س: ومتى كان هذا اللقاء تحديداً الذى جمع بينك وبين المتهم محمد فودة؟ ج: قبل رمضان بيومين بس مش متذكر.س: وهل كان هذا اللقاء مرتباً له من قبل؟ ج: لا الموضوع كله جه صدفة لأنى كنت باحدد ميعاد مع المستشار عدلى حسين فهو قالى آنا هاكون فى الفورسيزون فأنا قلت له أنا فى الوزارة ورحت أنا ومحيى قابلناه هناك بالمصادفة. س: وهل كان المتهم محمد فودة يعلم بوجودك فى فندق الفورزسيون فى هذا الوقت؟ ج: أنا معرفش هو يعلم ولا لا ولكن لما رحت حسين آن هو منتظرنا من طريقة كلامه مع محيى لأن احنا كنا قاعدين برة فى الريسبشن وهو جه فى المكان اللى قاعدين فيه. س: وما الذى طلبه منك المتهم محمد فودة تحديداً فى ذلك اللقاء؟ ج: هو طلب منى الإسراع فى إنهاء إجراءات تقنين وضع اليد على أرض شركة كايرو ثرى آى وكان بيقولى أن الوضع قانونى 100٪. س: وأين تناولتم وجبة العشاء فى ذلك اليوم؟ ج: هو أول ما سلم علينا قال لنا تعالوا نقعد جوه فى المطعم وطلب لنا العشاء وأثناء العشاء تمت ما بينا الحوارات اللى قلت عليها. س: من الذى فاتح المتهم محمد فودة فى موضوع رغبتك فى شراء وحدة سكنية أو فيلا خاصة بابنك؟ ج: هو محيى كان قايل له قبل كده ومحمد فودة هو اللى فتح الموضوع على الأكل بعد ما خلصنا كلام فى موضوع تقنين وضع اليد على الأرض الخاصة بالشركة فتح موضوع بحثى عن شقة أو فيللا لابنى وأنا قلت له فعلا أنا بادور على قطعة أرض ابنيها أو فيلا تكون شقتين منفصلين وهو قال عندنا فى بالم هيلز والشيخ زايد. س: ومن الذى كان يقصدهم سالف الذكر من عبارة عندنا؟ ج: أنا معرفش ومعرفش علاقاته أصلاً. س: هل أبلغت سالف الذكر بحدود إمكانياتك المالية؟ ج: أيوة أنا قلت له أنا عاوز أدفع مقدمة فى حدود 600 أو 700 ألف جنيه وبعد كده أدفع بالتقسيط على أساس ان ابنى هيبيع شقته فى هضبة الأهرام وهى تجيب فى حدود 400 ألف جنيه وابنى فى الكويت. س: وهل حددت له ثمناً إجمالياً لما تريد شراءه؟ ج: لا مكنتش حددت معاه ثمن إجمالى لها وقلت له أن أنا هاسأل فى بنك الإسكان والتعمير. س: وما الذى انتهى إليه حواركم فى هذا الشأن؟ ج: احنا انتهينا على أنه هيرتب مع محيى ونروح نشوف الحاجات اللى متوافرة. س: كيف بدأ الحوار بينكم بشأن أداء فريضة الحج؟ ج: احنا قاعدين على العشاء بعد ما خلصنا الموضوع اللى فات سألت محيى عن احنا لنا كام تأشيرة حجج ممكن نجيبها للوزارة وهو قالى احنا نقدر نجيب كتير لأن كل الوزراء لها تأشيرات فأنا قلت له خلاص جمع صور الجوازات علشان نبعتها والناس اللى عاوزين يحجوا عندنا من الوزارة يطلعوا كمان وفودة ادخل فى الحوار وقال انتم هتحجوا وانا شخصياً قلت له أنا حجيت أنا وزوجتى وبنتى بس أنا عايز اطلع اخويا واختى وزوجها ومحيى قال أنا كمان هاطلع أبويا وأمى ومراتى ومحمد فودة قال لى أنا طالع الحج وقال أنا هارتب الموضوعات دى مع محيى وهنساعدكم فى أى حاجة تعوزوها وفى الوقت ده جه المستشار عدلى حسين وخلصت الموضوع وخلص الكلام. س: وما الذى كان يقصده المتهم محمد فودة بتوليه ذلك الموضوع وترتيبه مع المتهم محيى قدح؟ ج: هو قالها كده عبارة تلقائية. س: وما الذى كان يقصده من إمكانية مساعدته لكم أثناء فريضة الحج؟ ج: مسألتوش هو ممكن يساعدنى ازاى. س: وما هى الإجراءات التى اتخذتها فى هذا الصدد؟ ج: أنا اديت محيى صور الجوازت بتاعتنا وبعد كده محيى طلب مننا أصول الجوازات. س: وهل استعلمت من المتهم محيى قدح عما وصل إليه من إجراءات فى هذا الصدد؟ ج: لا خالص لم أستعلم. س: هل أبلغك المتهم محيى قدح قيامه بإرسال جوازات السفر إلى السفارة للحصول على التأشيرات؟ ج: لا مقاليش. س: من الذى قام بسداد مقابل تناولك أنت والمتهم محيى قدح للعشاء بداخل فندق الفورسيزون؟ ج: أنا معفرش بس أنا مدفعتش حاجة وقمت مشيت أنا والمستشار عدلى حسين ومحافظ القليوبية. س: هل استعلمت من المتهم محيى قدح عمن قام بسداد مقابل العشاء؟ ج: لا مسألتوش بس أنا عرفت بعد كده أن محمد فودة مقيم فى المكان ده وممكن هو يكون دفع ثمن العشاء. س: ومتى كان ثانى لقاء جمع بينك وبين المتهم محمد فودة؟ ج: ثانى لقاء لما كان حدد ميعاد يوم الجمعة علشان يورينى الفيللات اللى قال عليها فى بالم هيلز واتقابلت أنا وهو ومحيى قدح وكان معايا زوجتى وبنتين وابنى هلال حصلنا واتقابلنا عند هايبر وان ورحنا اتفرجنا على فيللتين وكان فى واحد محمد فودة هو اللى جايبه يفرجنا. س: كم عدد الفيلات اللى قمت بمشاهدتها؟ ج: هما اثنين. س: هل نالت أى منهما إعجابك؟ ج: لا لأن هما ماكنوش بيلبوا الغرض اللى أنا عاوزه هى المنطقة جميلة جداً بس مش مناسبة لإمكانياتى ولا المواصفات اللى أنا عاوزها تكون شقتين. س: هل تحدث المتهم محمد فودة حول أسعار أى منهما؟ ج: لا هو مقاليش على سعر أى واحدة فيهم. س: هل ؟؟؟؟ المالية تسمح لك بشراء فيلا فى مثل هذه المنطقة؟ ج: لا لأن أنا حاسس أنها هتوصل لـ 7 أو 8 مليون جنيه. س: ما هو مقدار ثروتك التى أثبتها فى إقرار الذمة المالية الخاص بك؟ ج: أنا إقرار الذمة لامالية بتاعى كاتب فيه العربية بتاعتى نيسان 2015 وعندى مزرعة دواجن أنا وثلاث بنات وأخويا وثلاث أخوات ومزرعة 5 أدوار دواجن منشأة سنة 79 تقدر حوالى بـ 5 مليون جنيه وبيت دورين فى كفر العمار ده خاص بى أنا يقدر حوالى بـ 600 ألف جنيه وبيت العيلة أنا والورثة وأنا لى فيه نصفه وفدانين أرض زراعية أنا والورثة منهم نصف فدان داخل الكردون. س: وما هى تفاصيل ثالث لقاء جمع بينكم؟ ج: ثالث لقاء كان فى رمضان أنا طلبت من محيى أن يشوف لنا مكان نفطر فيه لأنى عاوز أعزم اخواتى البنات وأزواجهن على الفطار وهو قالى أن هو هيرتبها ويقولى وهو حجز فى فندق كمبينسكى اللى فى التجمع فطار وفعلا فطرت أنا وزوجتى وأولادى واخواتى البنات وأزواجهن ومحيى وزوجته واحنا طلبنا نمشى فهما قالى نقعد شوية فحجز حجرتين علشان لو حد حب يصلى وهو قال ان «ده من ضمن الحجز» واحنا قاعدين لقيت محمد فودة جه ومعاه صاحب الفندق رحبوا بينا وفودة قعد معانا أنا ومحيى وشرب شاى ومشى وصاحب الفندق مشى على طول بعد ما سلم على. س: وما مناسبة وجود المتهم محمد فودة فى ذلك التوقيت؟ ج: محيى اللى قاله ان احنا هنفطر هناك.س: وما هى الحوارات التى دارت بينك وبين المتهم محمد فودة فى ذلك اللقاء؟ ج: مكانش فى كلام فى أى حاجة كلام عن رمضان وحوارات عادية ومكانش فى طلبات أو أى كلام عن أى حاجة. س: ما هى المدة التى استغرقها لقاءك بالمتهم محمد فودة فى ذلك اللقاء؟ج: حوالى ساعة. س: متى انصرفت من فندق كمبينسكي؟ج: حوالى الساعة 6 الصبح. س: هل تناولتم وجبة السحور قبل الانصراف؟ ج: أيوة احنا أكلنا زبادى وجبن وحاجات خفيفة. س: ما هى تكاليف تناولكم وإقامتكم فى ؟؟؟؟؟ وقت وجبة الإفطار والسحور وإقامتكم فى فندق كمبينسكي؟ ج: أنا معرفش التكلفة كم. س: من الذى قام بدفع قيمة ذلك الحساب؟ ج: محيى قال ان هو دفع وهاحسبك بعد كده. س: هل قمت بسداد تلك القيمة حتى الآن؟ ج: لا لسة. س: هل كان المتهم محمد فودة متواجداً عند انصرافكم من الفندق؟ ج: لاس: ما هى قدرة المتهم محيى قدح ونزاهته المالية حتى يقوم بسداد قيمة ما تقوم بشراءه؟ ج: هو محيى مبسوط وأنا لما اعوز منه حاجة بيعملها وأنا فى تعاملى مع محيى بادى له فلوس تحت الحساب وبيرجع يحاسبنى مرة اديته 7000 جنيه ومرة 10000 جنيه وأنا كنت باراجعه على الحسابات فهو يقولى هاقولك بعدين. ملحوظة: حيث رأينا الاكتفاء بذلك القدر من استجواب المتهم الآن. تمت الملحوظة. س: انت متهم حال كونك موظف عمومى بطلب وقبول وأخذ عطايا عينية على سبيل الرشوة لأداء عمل من أعمال وظيفتك؟ ج: محصلش. س: هل لديك أقوال أخرى؟ ج: أيوة أنا باطلب من النيابة تستمع ؟؟؟؟ وترى تسجيل جلسة مجلس إدارة هيئة التعمير يوم 4/8 والمطروح فيها موضوع شركة كايرو ثرى آى. س: هل لديك مزيد من الأقوال؟ ج: لا.. تمت أقواله وتوقع منهمحلوظة: وأقفل المحضر عقب إثبات ما تقدم وقررنا الآتى أولاً: يعاد المتهم صلاح الدين هلال محمود هلال إلى محبسه كما كان ويراعى إرساله صباح باكر الأربعاء الموافق 9/9/2015 للنظر فى أمر حبسه ثانياً: يطلب المتهم المذكور لجلسة السبت 12/9/2015 لاستكمال استجوابه. س: كم يبلغ دخلك الشهري؟ ج: قبل ما ابقى وزير كان دخلى 10 أو 11 ألف جنيه اللى هو مرتبى وبعد ما أصبحت وزير أصبح فى حدود حاجة وثلاثين ألف تحديداً ومش متذكر الرقم بالضبط علشان بيتحول على البنك. س: وكم يبلغ دخل أسرتك الشهري؟ ج: زوجتى بتحصل على دخل فى حدود 5 أو 6 آلاف جنيه وبنتى فى حدود 2000 جنيه وهى ابنتى هالة لأنها بتشتغل صيدلانية فى الرقابة على البحوث الدوائية وزوجتى مدير إدارة فى قطاع كهرباء القليوبية. س: وما هى مصادر ذلك الدخل الخاص بك وبأفراد أسرتك؟ ج: بخلاف اللى أنا قلت عليه من مرتبات لى ولزوجتى فى مصادر أخرى متمثلة فى ميراثنا عن والدى اللى أنا كنت قلت عليها قبل كده وده بدخلى فى الشهر عشر آلاف جنيه تقريباً شهرياً. س: هل توجد ثمة مصادر أخرى بخلاف ما سبق وأن ذكرته؟ ج: لاس: ما هى الأندية الرياضية التى كنت مشترك فيها قبل توليك الوزارة؟ ج: مفيش أندية كنت مشترك فيها لا أنا ولا أسرتى. س: ما هى ملابسات وظروف اشتراكك فى عضوية النادى الأهلي؟ ج: من أيام ما انا كنت رئيس قطاع شئون مكتب الوزير كنت بافكر الاشتراك فى أى نادى وكنت باكلم أنا ومحيى فى الموضوع ده لأننا كنا بنقعد للساعة 12 بالليل فقلت له عاوزين مكان نتغدى أو نقعد فيه وكان ساعتها بيسأل على الاشتراك فى نادى الزمالك لأن فى تقسيط فى العضوية وأنا ساعتها مشيت من الوزارة ورحت الهيئة المصرية الزراعية وكنت باروح بدرى ولما رجعت ثانى الوزارة كوزير وجبت محيى معايا فهو ما تمنى ان احنا نشترك فى النادى الأهلى وأنا وافقته وقلت له هات الاستمارات. س: ومتى كان ذلك تحديداً؟ ج: هو بدأ الكلام ما بينى وبين محيى بعد ما توليت الوزارة على طول والكلام ده قعد شهرين لحد ما طلعت لى العضوية. س: ما مضمون الحوار الذى دار بينك وبين المتهم محيى قدح تحديداً؟ ج: أنا مش متذكر نص الحوار ولكن هو قالى نشترك فى النادى الأهلى قلت له ماشى. س: أين تم ذلك الحوار؟ ج: مش فاكر لأن محيى معايا على طول سواء جوه الوزارة أو برة الوزارة. س: هل كان يوجد ثمة أخرين حاضرين ذلك الحوار؟ ج: أنا مش فاكر أصلاً اتكلمنا فين. س: هل استعلمت من المتهم محيى قدح فى ذلك الحوار عن رسوم العضوية فى النادى الأهلي؟ ج: أيوة قالى فى حدود 100 ألف جنيه بس احنا هنقسطهم فانا قلت له خلاص أنا هاديلك 50 ألف وهو قالى أنا هاتصرف. س: ما هى إجراءات الاشتراك فى عضوية النادى الأهلي؟ ج: معرفش محيى خلص كل حاجة وجاب الاستمارة وأنا مليتها واديته شهادات الميلاد بتاعة الأولاد وطلب منى شهادة الدكتوراه وبعض الأوراق الثانية. س: من قام بملء استمارة العضوية؟ ج: أنا مليتها بخط إيدى. س: وأين قمت بملأها؟ ج: أنا قمت بملأها فى مكتبى. س: ومن قام بتقديم تلك الاستمارة الخاصة بالعضوية إلى النادى الأهلي؟ ج: معرفش أنا اديتها لمحيى. س: من قام بسداد قيمة تلك العضوية؟ ج: معرفش. س: ومن الذى تسلم كارنيهات العضوية؟ ج: محيى هو اللى جابها لى. س: ما هى صفته فى ذلك؟ ج: هو المساعد بتاعى. س: هل قمت بتسليم سالف الذكر قيمة اشتراك عضوية النادى الأهلي؟ ج: أنا اديته 50 أو 70 ألف جنيه مش متذكر وهو قالى أنا هاتصرف وبعدين يحاسبنى. س: هل قام سالف الذكر بتسليمك إيصالات سداد رسوم العضوية؟ ج: هو ادانى مجموعة من الأوراق مش فاكر كان فيها الإيصلاات ولا لا ومش متذكر. س: أين توجد تلك الأوراق؟ ج: غير متذكر. س: متى قمت بدفع ذلك المبلغ الذى قمت بسداده لمحيى قداح؟ ج: أنا على طول بادى لمحيى فلوس علشان ياخد ثمن الحاجات اللى على له فأنا مرة اديته 20 ومرة 25 ألف ومرة 10 آلاف ومرة 10 آلاف جنيه ومرة 7 آلاف المهم آنى بادى له بصفة دورية. س: وأين تقوم بتسليم المتهم محيى قدح تلك المبالغ النقدية؟ ج: محيى باستمرار معايا ففى أى مكان أنا باديها له. س: وما هو مصدر حصولك على تلك المبالغ التى تقوم بسدادها للمتهم محيى قدح؟ ج: أنا ابراهيم اخويا بيبعت لى فلوس باستمرار ولو فى حاجة باقوله ابعت لى يا ابراهيم على أساس فى حساب بينا كأخوة. س: كم عدد المرات التى طلبت فيها شقيقك بإمدادك بالأموال؟ ج: طول عمرنا احنا الاتنين كده. س: ما طبيعة عمل شقيقك؟ ج: هو أستاذ فى كلية الهندسة جامعة عين شمس. س: ما هو متوسط المبالغ التى تطلبها من شقيقك فى كل مرة؟ ج: أى مبلغ أنا عاوزه أو باحتاجه فانا باطلبه من أخويا وهو يجيبه لى. س: هل أبلغك المتهم محيى قدح بقيمة العضوية فى النادى الأهلى عقب الاشتراك؟ ج: أيوة هو بلغنى وقالى فى حدود 20 ألف جنيه وقالى ان هو سدد وقالى ابقى هات بقية الحساب. س: وما هو إجمالى المبلغ الذى قمت بدفعه للمتهم محيى قدح بشأن العضوية؟ ج: 50 أو 70 ألف جنيه مش متذكر. س: ومتى كان ذلك؟ ج: الكلام ده ساعة ما كان بياخد منى الورق. س: وهل قمت بسداد باقى قيمة العضوية للمتهم محيى قدح؟ ج: لا. س: ولماذا لم تطلب باقى قيمة ذلك المبلغ من شقيقك حسبما قررت كالمعتاد؟ ج: مش شرط إن كل حاجة اكون عاوزها ابعت لاخويا. س: لماذا إذن لم تقم بسداد باقى قيمة العضوية على الرغم من مرور أربعة أشهر؟ ج: أنا لما بييجى مبلغ باوديه لأن الحساب بينا مفتوح. س: هل يطلعك المتهم محيى قدح بصفة دورية على الحسابات المتبادلة بينكم؟ ج: لأن هو مبيقولش رقم بس هو يقولى هابقى أحاسبك بس أنا عارف ان هو له عندى فلوس بس ما اعرفش قد إيه. س: هل أبلغك المتهم محيى قدح عن مصدر حصوله على المبالغ النقدية الذى قام بسدادها مقابل عضويتك فى النادى الأهلي؟ ج: لا. س: هل استعلمت أنت منه عن ذلك؟ ج: لا وأنا فى الأول كنت فاكر ان هو هيقسط وأنا عرفت ان هو اتصرف من معاه. س: وهل يملك المتهم محيى قدح إمكانية سداد مثل ذلك المبلغ؟ ج: محيى مظار الحياة ميسورة معاه وراكب عربية مرسيدس وأهله ناس مبسوطين. س: ما هى مصادر دخل المتهم محيى قدح؟ج: معرفش. س: على أى أساس قام المتهم محيى قدح بسداد مقابل اشتراكك فى عضوية النادى الأهلى بدلاً من أن تقوم أنت بسدادها؟ ج: بصفته المساعد بتاعى وفى علاقة من قبل كده ممتدة فهو بيدفع وأنا ابقى أسدد له بعد كده. س: هل قام المتهم محيى قدح بالاشتراك لنفسه فى عضوية النادى الأهلي؟ ج: معرفش. س: ألم تستعلم منه عن ذلك الأمر؟ ج: خالص. س: ما الذهو كنتما تبحثان عن عضوية إحدى النوادى الرياضية؟ ج: أنا عاى حال دون ذلك على الرغم من أنك قررت فى بادئ الأمر أنك أنت ورف آن هو مشترك فى نادى وأعتقد أن هو النادى الأهلى وعلشان كده هو عرض على الاشتراك فى النادى الأهلى. س: هل حصلت على ثمة عضوية بخلاف العضوية العاملة فى النادى الأهلي؟ ج: أيوة محيى جاب لى قبل كده فى النادى الأهلى كارنيه عضوية شرفية وأنا قلت له هو هنعمل نعمل عضوية عاملة. س: ومن أين حصل المتهم محيى قدح على تلك العضوية؟ ج: معرفش. س: قررت لدى سؤالك فى بداية التحقيقات قيام المتهم محمد فودة حال وجوده بمكتبك الاستعلام منك عن رغبتك فى الاشتراك فى عضوية النادى الأهلى. ج: أيوة فعلاً الكلام ده حصل وتفصيلاته كان معاه محيى ودخلوا على المكتب وأنا أى حد مكتبى مفتوح لأن ده منصب سياسى وأنا باقابل أى مواطن وفى القاعدة دى فودة قالى نفسك تشترك فى النادى الأهلى فأنا قلت له أيوة وأنا قايل لمحيى كده وانتهى الحوار على هذا الأمر. س: ومتى كان ذلك تحديداً؟ ج: الكلام ده كان فى البداية خالص لما كنت باكلم محيى فى موضوع الاشتراك. س: وهل كنت عند ذلك الحوار اتخذت أى قرار للاشتراك فى عضوية النادى الأهلى؟ ج: لا وده كان مجرد إبداء رغبة فى البداية. س: هل كان ذلك الحوار سابقاً أم لاحقاً على قيام المتهم محيى قدح بتقديم العضوية الشرفية لك؟ ج: كان قبل ما تيجى لى العضوية الشرفية. س: هل استعلمت من المتهم محيى قدح على كيفية حصوله على العضوية الشرفية؟ ج: لا واللى أنا عرفته ان محيى ومحمد فودة لهم علاقات فى النادى الأهلى والأندية وأكيد هى خلصت من خلال كده. س: وما هى صلة المتهم محمد فودة باستخراج تلك العضوية؟ ج: معرفش عنها حاجة. س: وهل استلمت كارنيه العضوية الفخرية؟ ج: أيوة أنا أخدته منه. س: وما هو رد فعلك إزاء تلك العضوية؟ ج: أنا أخدت الكارنيه وقلت له بعد يومين أو ثلاثة أنا عايز عضوية عاملة وكان كلامى مع محيى. س: وأين يوجد كارنيه العضوية الشرفية؟ ج: مش فاكر. س: وما سبب رفضك للعضوية المتبادلة؟ ج: مش رفض ولكن أنا كنت عاوز عضوية عاملة. ملحوظة: حيث رأينا الاكتفاء بذلك القدر من استجواب المتهم الآن.تمت الملحوظة. س: أنت متهم حال كونك موظف عمومى بطلب وقبول وأخذ عطايا عينية على سبيل الرشوة لأداء عمل من أعمال وظيفتك؟ ج: محصلش. س: هل لديك أقوال أخرى؟ ج: أيوة أنا عوز أقول الآن من يتهم بالرشوة هو من توجه إما السيد اللواء محمد عرفان رئيس هيئة الرقابة الإدارية وطلبت منه رئيس للهيئة العامة للتعمير لوجود فساد بها وبالفعل هو اللى رشح اللواء مهاب وأنا برضه طلبت فى جلست مجلس الوزراء من الفريق صدقى صبحى وزير الدفاع أن يرشح لى قيادتين الأولى تتولى رئاسة هيئة الخدمات البيطرية لوجود فساد بها والثانية تتولى رئاسة محطة الزهراء للخيول العربية حيث إنها متحف تاريخى حى ويتم بيع النتاج منها بشكل يثير الشكوك مع الأمراء العرب وخلافه وأطلب شهادة سيادته وأيضاً بعد تولى مباشرة الوزارة حضر إلى أيمن رفعت الجميل ومعه محمد فودة وعرضته على رئيس الوزراء وأطلب شهادة رئيس الوزراء كما تحدث معى وطلبت منه أن يقوم أيمن الجميل باستيراد الأسمدة لسد الاحتياجات الخاصة بفصل الصيف ورئيس الوزراء قابل أيمن واتكلم معاه فى ذلك الموضوع. س: هل لديك مزيد من الأقوال؟ ج: لا تمت أقواله وتوقع منه ملحوظة: طلب الحاضر مع المتهم إخلاء سبيله بأى ضمان تراه النيابة العامة. تمت الملحوظة:وأقفل المحضر عقب إثبات ما تقدم وقررت الآتي: يعاد المتهم صلاح الدين هلال محمود هلال إلى محبسه كما كان ويطلب لجلسة الإثنين الموافق 14/9/2015 لاستكمال استجوابه. نقلا عن الوطن 
|
|
|
العرض العادي
